მორჩილი კავკაციონი

მორჩილი კავკასიონი (სომეხ. Փոքր Կովկաս; აზერ. Kiçik Qafqaz Dağları) — გვალეფიშ სისტემა მოლენკავკაციას, ნამუთ იდვალუაფუ კავკაციონიშ ონდეთ პარალელურო დო თიშე გიშართილი რე მოლენკავკაციაშ რზენით (კოლხეთიშ დო მტკვარიშ რღამილეფი). ოორუეშე დო ოორუე-ბჟაეიოლშე უხურგანს ობჟათე კავკაციაშ ვულკანურ გვალონას.

სიგჷრძა დოხოლაფირო 600 კმ-შახ. სიმაღალა — 3724 მ-შახ ონჭუ (კოკი გამიში, მუროვდაღიშ ქჷნდჷრს). მორჩილი კავკაციონიშ სისტემაშა მიშურს მესხეთიშ ქჷნდჷრი, თრიალეთიშ ქჷნდჷრი, ლოქიშ ქჷნდჷრი, ბაზუმიშ ქჷნდჷრი, შაჰდაღიშ ქჷნდჷრი, მუროვდაღიშ ქჷნდჷრი, ყარაბაღიშ ქჷნდჷრი. ოორუე კართეშ დაბალგვალონას ბჟადალშე უმენტაშო ლადარი სუბტროპიკული ტყაშ ლანდშაფტი რე, ბჟადალშე — ქსეროფიტული ტყალეფიშ დო ბართვონაშ სუბტროპიკული ლანდშაფტეფი, ოშქაშეგვალონას — გვალა-ტყაშ, გალეფს — გვალა-დოლოშ ლანდშაფტი. ობჟთე კართეს უმენტაშო სტეპი, ცხვეკი ტყა დო ბართვონი რე.

ლიტერატურა