მუჰამად ალ-იდრისი
აბუ აბდულაჰ მუჰამად ალ-იდრისი ალ-ყურთუბი ალ-ჰასანი ას-საბთი (არაბ. أبو عبد الله محمد الإدريسي القرطبي الحسني السبتي; დ. 1100, სეუტა, ალმორავიდეფიშ სახენწჷფო — ღ. 1165, სეუტა, ალმოჰადეფიშ ხალიფატი) — არაბი გეოგრაფი დო კარტოგრაფი.
| მუჰამად ალ-იდრისი | |
| არაბ. محمد الإدريسي | |
.jpg) მუჰამად ალ-იდრისიშ ნოჭახნაკუ ნოღა სეუტას | |
| დაბადებაშ თარიღი: | |
|---|---|
| დაბადებაშ აბანი: | |
| ღურაშ თარიღი: |
1165 (64-65 წანერი) |
| ღურაშ აბანი: |
სეუტა, ალმოჰადეფიშ ხალიფატი |
| ომენცარე სფერო: | |
| ჩინებული რე მუჭოთ: |
როჯერიშ წინგიშ ავტორი |
ალ-იდრისიქ დებადჷ სეუტას. გურაფულენდჷ კორდობას. ახალობაშე ბრელს შარალენდჷ. უკულიან პერიოდის სიცილიაშა მიდართჷ დო დოხოლაფირო 18 წანას მსახურენდჷ სიცილიაშ მაფაშ როჯერ II-შ ომაფე კარს. ჸათაქ ალ-იდრისიქ როჯერ II-შ ინიციატივათ აკადგინჷ ატლასი, ნამუსჷთ "როჯერიშ წინგი"-ს ხოლო უძახჷნა. ატლასიშა მიშულირიე მოსოფელიშ რეგიონეფიშ 70 რუკა დო ჸათე რეგიონეფიშ ფიზიკური, გეოგრაფიული, პოლიტიკური, სოციოეკონომიკური ეჭარუა დო კომენტარეფი. წინგი ჭარილი რე არაბულ ნინაშა დო დორთილიე 7 კლიმატურ ზონათ დო ჸათე ზონეფი დორთილი რე 10 სექციათ.
მუჰამად ალ-იდრისიქ დიდი გოლინა იღვენუ უკულიანი პერიოდიშ მუსლიმი მენცარეფიშა, გიშაკერზაფილო იბნ საიდ ალ-მაღრიბიშა, ჰაფიზი აბრუშა დო იბნ ხალდუნიშა. მარა ალ-იდრისიშ ნახანდეფი ჩინებული ვარდჷ ბჟადალი ევროპას დო თის დიდი როლი ვაჸულაფინუ რენესანსიშ კარტოგრაფიაშ გოვითარაფაშო.
თაშნეშე, ალ-იდრისი რდჷ ავტორი შხვა გეოგრაფიული ნაჭარეფიშ დო ჩანარეფიშ სამედიცინო ლექსიკონიშ.
ალ-იდრისიშ რუკეფი
რედაქტირაფა-
ალ-იდრისიშ მოსოფელიშ რუკა -
ინდოეთიშ ოკიანეშ რუკა -
ოორუე-ბჟადალი სპარსეთიშ რუკა -
მარმარილოშ ზუღაშ ოორუე რეგიონიშ რუკა -
ბალკანეთიშ ჩქონიშ რუკა -
ბალკანეთიშ ჩქონიშ რუკა -
იბერიაშ ჩქონიშ რუკა -
იბერიაშ ჩქონიშ რუკა -
წყარმალუ სენეგალიშ რუკა
რესურსეფი ინტერნეტის
რედაქტირაფა- მუჰამად ალ-იდრისი Encyclopedia.com-ის
- მუჰამად ალ-იდრისი ენციკლოპედია ბრიტანიკას
- ონლაინ გჷმოფინუა, Bibliothèque nationale de France (ფრანგულო)
- ალ-იდრისიშ მოსოფელიშ რუკა კონგრესიშ ბიბლიოთეკას