ნაბადი
ნაბადი, კვარკვაშა მონტყორშე აკოქიმინელი წჷმი გონწყუმილი ედომუშამი გინაქუნალი. XIX ოშწანურაშ ქორთუეფიშ დო შხვა კავკაციარ კათეფიშ ერუანული კოსტიუმიშ ელემენტი, უღუ ედიმუშამი გაგაჩი დო კართეფი, ტომბათ ეშაღალირი კინჩხი დო ბირსალი ხუჯეფი, დოშანაფაშ მეჯინათ აკეთენა კუნტას დო გჷრძეს, ქექეს ვარდა მონკას, დაბალს ვარდა მაღალხოშქოშამს. XIX ოშწანურას, საუჯგუშო ნაბადიშ წარმებათ ჯოხოგოლაფირი რდჷ ოორუე კავკაცია, ყაბარდო-ჩერქეზეთი, დაღესტნიშ გვალონა დო ოსეთი, მოლენკავკაციას — საქორთუო (იმერეთი, სამარგალო, შონე დო დუშეთიშ კუნთხუ). ნაბადიშ წარმებაშ ქორთული ოკათე ტრადიციეფი ბოლობორჯიშა ჯგირო რდჷ გარზინაფილი დინოხრეწუალას. სამანგათ, ოფუტე ჯვარიშ (სამარგალო) ართ-ართ განობას, ჩქვალერს, ოსურეფი ფანიეფს თანგიშ მეჯინათ საუჯგუშო წალამურაშ ედომუშამ ნაბადეფს წეწუნდეს. თე ხანდაონტირე საქვარშა მიშმეშჷ მონტყორიშ ნახუა, ფეტუა „გოწვანჯგურაფა“, გოწეწუა დო შხვა. XIX ოშწანურას ნაბადიქ ღართი-ახალუხწკჷმა ართად ფართეთ გიფაჩჷ ყუბანიშ დო თერგიშ კაზაკობას, მუჭოთ ოურდუმე ამუნიციაშ ნორთი, ნამუქჷთ ხე უნწყუ ქორთულ-კავკაციური წარმებაშ ნაბადშა მოთხირალაშ ძინას.
ლიტერატურა
რედაქტირაფა- გოგიჩაიშვილი ფ., ხელოსნობა საქართველოში, თბ., 1976;
- გუგუშვილი პ., შინამრეწველობის საქართველოსა და ამიერკავკასიაში 1801-1920 წწ., «ეკონომიკის ინსტიტუტის შრომები», 1950, ტ. 4;
- კოსვეინი მ. ო., პირველყოფილი კულტურის ისტორიის ნარკვევები, თბ., 1971;
- ლამბერტია ა., სამეგრელოს აღწერა, გამოც. მე-2, თბ., 1938;
- ჩაჩაშვილი გ., ქართლელი გლეხი მამაკაცის კოსტიუმი XIX საუკუნისა, «ს. ჯანაშიას სახელობის საქართველოს სახელმწიფო მუზეუმის მოამბე», 1957, ტ. 19A და 21B;
- ჯავახიშვილი ივ., მასალები ქართველი ერის მატერიალური კულტურის ისტორიისათვის, ტ. 3-4, თბ., 1984;
- ქსე, ტ. 7, გვ. 279-280, თბ., 1980