ნაირობი (ინგლ. Nairobi, გჷმირაგადუ /naɪˈroʊbi/, სუაჰ. Nairobi) — ეკვატორწკჷმა მადვალი კენიაშ ნანანოღა დო უდიდაში ნოღა. ნოღა დი თიში ელმოლი თაშნეშე აკმოქიმინუნს ნაირობიშ პროვინციას. ჯოხო „ნაირობი“ მოურს მასაიშ ნინაშ ფრაზაშე „ენკარე ნაიირობი“, ნამუთ ითანგუ, მუჭოთ „რგილი წყარეფიშ აბანი“. მარა აბანური კათა თის „წვანე ნოღას ბჟას“ უძახჷ დო თინა მუსხირენი წვანეს ინოფულირი ვილეფიშ გალენგანობეფით რე ელმოლშე გოხურგილი.
ნაირობი ასე ბჟაეიოლი აფრიკაშ არძაშე დიდი ნოღა რე მახორობაშ მეჯინათ (დოხოლ. 3 მილიონი). 2009 წანაშ ეჭარუაშ მუნაჩემეფით ნაირობიშ ადმინისტრაციულ რაიონს 3 138 369 მახორუს დოხოლ. 695 კვ. კმ ფართობი უკებჷ. ნაირობი ასე აფრიკაშ სიდიდათ მა-13 ნოღა რე.
