ნახური ნინეფი

ნახური ნინეფი — ნახურ-დაღესტანური ნინეფიშ გიმენბუნა, ნამუთ აკმაშქვანც ჩაჩნურ, ინგუშურ დო ბაცბურ ნინეფც. ნახური ნინეფი გოფაჩილიე ჩეჩნეთიშ დო ინგუშეთიშ რესპუბლიკეფც დო საქორთუოს ახმეტაშ მუნიციპალიტეტიშ ოფუტე ზემო ალვანც.

ჩაჩნურიშ დო ინგუშურიშ ფონეტიკაშო დუმახასიათაფალი რე წოროხონარიელეფიშ ძაკი დო ხონარიელეფიშ რთული სისტემა. ბაცბურ ნინას მაპალუაფუ ჸუნგა ლატერალი. სპირანტი დო ხონარიელეფიშ სისტემა ალაზიმაფათ ძაკი რე, ზიტყვაშ ეკონიას შილებე უღუდას კულე ხონარიელეფი ე, ი, ო, უ.

ნახური ნინეფიშ მორფოლოგიას გჷმირთუ 4 ჯინჯიერი რთინა დო ნამთინე ალადვაშეამი რთინაფა. კილოთას უღუ გრამატიკული კლასიშ კატეგორია, ასპექტი, ბორჯი, კილო, მიმღეობა დო აბსოლუტივეფი, ინფინიტივი, მასდარი დო შხვ.

ბაცბური დო ჩაჩნური ნინეფიშ ნამთინე კილოს ქორთული ნინაშ გოლინათ გევითარჷ რთული დოქვემდებარაფილი ზიტყვასქვილქ.

ნახური ნინეფიშ ლექსიკას აფხვადუნა ოართე ნახური დო შხვა ნინეფშე მიშულირი ზიტყვეფი.

ლიტერატურა

• დ. იმნაიშვილი, ქორთული სხუნუეფიშ ენციკლოპედია, ტ. VII, ხს. 354, ქთ., 1984 წანა.