ნევილ ფრენსის მოტი
ნევილ ფრენსის მოტი (ინგლ. Sir Nevill Francis Mott; დ. 30 ეკენია, 1905, ლიდსი, ინგლისი — ღ. 8 მარაშინათუთა, 1996, მილტონ-კინზი, ბაკინგემშირი, ინგლისი) — ინგლისარი ფიზიკოსი, მაგნიტური დო დეზორიენტირებული სისტემეფიშ ელექტრონული სტრუქტურაშ მენცარული რკვიებაშ გეშა გინოჩეს ნობელიშ პრემია ფიზიკაშ დარგის 1977 წანას (ფილიპ უორენ ანდერსონი დო ჯონ ჰაზბრუკ ვან ფლეკიწკჷმა ართო). ნევილ ფრენსის მოტი გურაფულენდჷ კლიფტონიშ კოლეჯის, უკულ კემბრიჯიშ სენტ-ჯონიშ კოლეჯის. გურაფაშ თებაშ უკულ მუშენდჷ მანჩესტერიშ უნივერსიტეტიშ ფიზიკაშ ლექტორო. 1930 წანას მოტიქ დირთჷ კემბრიჯიშა დო მუშობა ქიდიჭყჷ გონვილ-ენდ-კიზიშ კოლეჯის. 1933 წანაშე ნევილ მოტი რე ბრისტოლიშ უნივერსიტეტიშ თეორიული ფიზიკაშ პროფესორი. 1954 წანაშე კინ კემბრიჯის რე. 1959-1966 წანეფს ნევილ მოტი რდჷ გონვილ-ენდ-კიზიშ კოლეჯიშ მასტერი. ნევილ ფრენსის მოტი რდჷ შხვადოშხვა ჯილდოეფიშ დო პრემიეფიშ ლაურეატი. 1936 წანაშე რდჷ ომაფე საზოგადოებაშ მაკათური. 1941 წანას მოტის გინოჩეს ჰიუზიშ მენდალი, 1953 წანას ომაფე მენდალი, 1972 წანას კოპლიშ მენდალი, 1973 წანას ფარადეიშ მენდალი დო 1977 წანას ნობელიშ პრემია. ნევილ ფრენსის მოტი რდჷ ჰერიოტ-ვატიშ უნივერსიტეტიშ საპატიო დოქტორი.
| ნევილ ფრენსის მოტი | |
| ინგლ. Nevill Francis Mott | |
 ნევილ ფრენსის მოტი 1952 წანას | |
| დაბადებაშ თარიღი: | |
|---|---|
| დაბადებაშ აბანი: | |
| ღურაშ თარიღი: |
მარაშინათუთა 8, 1996 (90 წანერი) |
| ღურაშ აბანი: |
მილტონ-კინზი, ბაკინგემშირი, ინგლისი |
| მენოღალობა: | |
| ომენცარე სფერო: | |
| სამუშაშ აბანი : |
მანჩესტერიშ უნივერსიტეტი |
| ალმა-მატერი: | |
| ომენცარე ხემანჯღვერი: | |
| ჯილდოეფი დო პრემიეფი: |
ომაფე საზოგადოებაშ მაკათური (1936) |
.svg){kind=small}
ლიტერატურა
რედაქტირაფა- N. F. Mott, A Life in Science (Taylor & Francis, London, 1986)