ნენსი რომანი
ნენსი გრეის რომანი (ინგლ. Nancy Grace Roman; დ. 16 მესი, 1925, ნეშვილი, ტენესი, ააშ — ღ. 25 ქირსეთუთა, 2018, ჯერმანთაუნი, მერილენდი, ააშ) — ამერიკალი ასტრონომი. მიშეღჷ დიდი კონტრიბუცია მურიცხეფიშ კლასიფიკაციაშ დო ჸარაფეფიშ რკვიებაშა. რომანიქ ილაყაფჷ ფუნდამენტური როლი ჰაბლიშ კოსმოსური ტელესკოპიშ გეგმუაშ საქვარს, ჸათეშ გეშათ თის "ჰაბლიშ დიდა"-ს ხოლო უძახჷდეს.
| ნენსი რომანი | |
| ინგლ. Nancy Roman | |
 ნენსი რომანი 2015 წანას | |
| დაბადებაშ თარიღი: | |
|---|---|
| დაბადებაშ აბანი: | |
| ღურაშ თარიღი: |
ქირსეთუთა 25, 2018 (93 წანერი) |
| ღურაშ აბანი: |
ჯერმანთაუნი, მერილენდი, ააშ |
| მენოღალობა: | |
| ომენცარე სფერო: | |
| სამუშაშ აბანი : |
იერკსიშ ობსერვატორია |
| ალმა-მატერი: | |
| ომენცარე ხემანჯღვერი: | |
| ჯილდოეფი დო პრემიეფი: |
ამერიკაშ კოსმონავტიკაშ ჯარალუაშ მაკათური (1978) |
დებადჷ ტენესიშ შტატიშ ნოღა ნეშვილს. გურაფულენდჷ ასტრონომიას სუორტმორ-კოლეჯის. უკულ გურაფა გაგინძორჷ ჩიკაგოშ უნივერსიტეტის, სოდეთ თხილუ ოდოქტორე დისერტაცია 1949 წანას. გურაფაშ თებაშ უკული, ამშვი წანაშ გოძვენას მუშენდჷ იერკსიშ ობსერვატორიას. ჸათაქ თიში ომენცარე ინტერესეფიშ სფერო მურიცხული სპექტროსკოპია რდჷ. 1959 წანაშე რომანი ნასას მუშენდჷ.
ნენსი რომანი რე 97 ომენცარე პუბლიკაციაშ ავტორი. რდჷ შხვადოშხვა პრემიეფიშ დო ჯილდოეფიშ ლაურეატი. თიში ჯოხონობაშ რე ნასაშ ინფრაჭითა კოსმოსური ტელესკოპი.