ნერვა
მარკუს კოკცეიუს ნერვა (ლათ. Marcus Cocceius Nerva; დ. 8 გერგობათუთა, 30 — ღ. 27 ღურთუთა, 98) — რომიშ იმპერატორი 96-98 წანეფს. იმპერატორიშ ხვისტაშა ეშართჷ 66 წანერი რდუნ თეშ. რდჷ მაართა წჷმმარინაფალი ანტონინუსეფიშ დინასტიაშ, ნამუქჷთ დოთირუ ფლავიუსეფიშ დინასტია. ნერვა იმპერატორი ნერონიშ გოსქუალაშ შანულამი მაკათური დო ილაჸაფჷ კაბეტი როლი 65 წანაშ პიზონიშ კონსპირაციაშ (ნამუშ ღანკი ნერონიშ ჸვილუა რდჷ) დონწყუმას. მუჭოთ ფლავიუსეფიშ ლოიალისტის, უკინებუდჷ კონსულიშ პოსტი 71 დო 90 წანეფს, ვესპასიანეშ დო დომიციანეშ ბორჯის. 96 წანაშ 18 ეკენიას დოჸვილეს დომიციანე. თიმ დღას რომიშ სენატიქ ახალი იმპერატორო გეგმაცხადჷ ნერვა.
| მარკუს კოკცეიუს ნერვა ლათ. Marcus Cocceius Nerva | ||
 | ||
 რომიშ იმპერატორი | ||
|---|---|---|
| პოსტის გერინაშ ბორჯი | ||
| 18 ეკენია, 96 წანა – 27 ღურთუთა, 98 წანა | ||
| წიმოხონი | დომიციანე | |
| მონძე | ტრაიანე | |
| დუნაბადი | 8 გერგობათუთა, 30 ნარნი, იტალია | |
| ნაღურა | ღურთუთა 27, 98 (67 წანერი) რომი, იტალია | |
| ნთხორუ აბანი | ავგუსტუსიშ მავზოლეუმი | |
| მუმა | მარკუს კოკცეიუს ნერვა | |
| ნანა | სერგია პლავტილა | |
| სქუალეფი | ტრაიანე (სქუალაფირი) | |
| რელიგია | ჯვეშრომაული რელიგია | |
ნერვაშ კუნტა პერიოდიშ მართუალა იხასიათებუ იმპერიაშ ფინანსური დო ეკონომიკური პრობლემეფით. თაშნეშე, რომაული არმიაშ რანწკეფს ნერვას ვეიაჭოფჷ პოპულარობაქ. 97 წანას, პრეტორიანული გვარდიაშ ინიციატივათ დო ნძალებათ ნერვაქ მონძეთ გიმისქუალუ ტრაიანე, ნამუთ უმოსი გოლინიანი დო პოპულარული რდჷ. ნერვაქ ღურუ 98 წანაშ 27 ღურთუთას. მუში მონძე ტრაიანექ თინა გაღორონთუ.
ანტიკური პერიოდიშ ისტორიკოსეფს ნერვა ჭკვერი პოლიტიკოსო დო იმპერატორო მიოჩუდეს. ნერვა რდჷ რანწკით მაართა ხუთი ჯგირი იმპერატორიშე.
ლიტერატურა
რედაქტირაფა- იმპერატორი ნერვა ენციკლოპედია ბრიტანიკას
- Wend, David (1998). Nerva (96–98 A.D.). კითხირიშ თარიღი: 11 August 2007.
ნერვა დებადჷ: 30 ღურჷ: 98
| ||
| წიმოხონი: დომიციანე |
რომიშ იმპერატორი 96–98 |
გეჸვენჯი: ტრაიანე |
|
თე სტატია რომიშ ისტორიაშ გეშა დიოდღარო მერკე რე. თქვა შეგილებუნა ქუმმეხვარათ დო აკაფშათ თინა. |