ნილ არმსტრონგი
ნილ არმსტრონგი (ინგლ. Neil Armstrong; დ. 5 მარაშინათუთა, 1930, უაპაკონეტი, ოჰაიოშ შტატი — ღ. 25 მარაშინათუთა, 2012) — ამერიკალი კოსმონავტი მოფურინჯე, ოურდუმე-ოზუღე ფლოტიშ ოფიცერი. სპეციალობათ ავიაციაშ ინჟინერი. ნილ არმსტრონგის უღჷ აერონავტიკაშ ბაკალავრიშ დო აეროკოსმოსური რკვიებეფიშ მაგისტრიშ ხარისხი. 1972-1979 წანეფს რდჷ აეროკოსმოსური რკვიებეფიშ პროფესორი ცინცინატიშ უნივერსიტეტის.
ბიოგრაფია
რედაქტირაფაორდოშიანი წანეფი
რედაქტირაფა1947-1952 წანეფს ინალენდჷ ოზუღე ავიაცას. მუკორთჷ 78 ოლჷმორი ფურინუა კორეაშ ლჷმას. 1962 წანას ეჭოფჷ ასტრონავტიშ სტატუსი. 1966 წანაშ მელახის რდჷ ხვამარდი „ჯემინი 8-შ“ მადუდე.
თუთაშა ფურინუა
რედაქტირაფა_(cropped).jpg)
1962 წანას არმსთრონგიქ გჷშაგორილქ იჸუ NASA-შით. 1969 წანას ხემანჯღვერენდჷ მისიას „აპოლო 11“ ედვინ ალდრინწკჷმა (თუთას გიოხუნაფალი კაპსულა „არწიშ“ პილოტი) დო მაიკლ კოლინწკჷმა (მადუდე ხვამარდ „აპოლო 11“-იშ პილოტი) ართო. „აპოლო 11“-იქ ქო დიტუ კენედიშ კოსმოსური ცენტრი (ფლორიდა) 16 კვირკვეს 1969 წანას დო 4 დღაშა, 20 კვირკვეს ქო დოდოხოდჷ თუთაშ ჟიდოხის, თ. გ. „რჩქალი ზუღას“. ედომუშამი მოსოფელი ირფელს თეს ტელევიზორს უჯინედჷ. თუთას გიოხუნაფალი კაფსულაშე „არწი“ ნილ არმსტრონგი გიშმურს ღოზიშა:„ ჰიუსტონ, რჩქალი ზუღაშ ბაზა. არწიქ ქო დოდოხოდჷ...“
21 კვირკვეს 1969 წ ოჭუმარეს არმსთრონგი გიმმურს ხვამარდიშე 2 სათი დო 56 წუნს დო 15 მერქას UTC დო მაართა გითმედგჷნს კუჩხის თუთას. თე ბორჯის იძახჷ ისტორიულ ზიტყვას:
- „That's one small step for man, one giant leap for mankind.“[1]
- „თე ჭიჭე ბიჯგი ადამიერშო, რე დიდი ნახსხაპა კოჩიშობაშო.“
15 წუნიშ უკული თის გითმიაჸუნუ ედვინ ალდრინი, ნამუწკჷმათ ერხინუნს ააშ-შ სახენწჷფო შილას. უკული გაგჷნძორეს თუთაშ მუკი-მუკი რთინა მასუმა ასტრონავტ მაიკლ კოლინწკჷმა ართო. თე 3 ასტრონავტიშ შქას არმსთრონგიქ გჷშაგორილქ იჸუ მაართა კოჩო, ნამუსჷთ თუთა ოკო გულებუდჷკო, რახან თინა რჩქვანელობური მენოღალე რდჷ დო ვა რდჷ ოურდუმე პიჯი მუჭოთ მუში ჟირხოლო ალმარენჯინ. არმსთრონგიქ თუთას მუკორთჷ 2 სათი დო 31 მერქა, გილჷ 250 მ. დიხაუჩაშა დირთეს 24 კვირკვეს, მალეჯუმეს მუსხირენი ქუაშ ნოტეხი დაგურაფალო.
"That's one small step for [a] man, one giant leap for mankind"
სქოლიო
რედაქტირაფა
- ↑ ლინგვისტიკურ ანალიზიქ ოძირუ, ნამდა არმსთრონგიქ გაგშეტუ არტიკლი „a“ ფრაზას: „one small step for a man“. 'Pallab Ghosh'. “Armstrong's 'poetic' slip on Moon“ (html), ომენცარე კორესპონდენცია, BBC, 3 მანგი, 2009, p. 1. 8081817. კითხირიშ თარიღი: 2009-06-4. (ინგლისური)