ნურ მუჰამედ თარაქი
ნურ მუჰამედ თარაქი (პუშტუ. نور محمد ترکی; დ. 14 კვირკვე, 1917 — ღ. 9 გჷმათუთა, 1979) — ავღანარი კომუნისტი რევოლუციონერი პოლიტიკოსი, ჟურნალისტი დო ჭარუ, ავღანეთიშ ოკათე დემოკრატიული პარტიაშ დუმარსხუაფალი. რდჷ თე პარტიაშ გენერალური მელამოსე 1965-1979 წანეფს დო რევოლუციური სხუნუშ დუდმახვენჯი 1978-1979 წანეფს.
| ნურ მუჰამედ თარაქი نور محمد ترکی | ||
 ნურ მუჰამედ თარაქი 1978-79 წანეფს | ||
| ავღანეთიშ ოკათე დემოკრატიული პარტიაშ გენერალური მელამოსე | ||
|---|---|---|
| პოსტის გერინაშ ბორჯი | ||
| 1 ღურთუთა, 1965 – 14 ეკენია, 1979 | ||
| წიმოხონი | პოსტიქ გიჭყჷ | |
| მონძე | ჰაფიზულა ამინი | |
| პოსტის გერინაშ ბორჯი | ||
| 30 პირელი, 1978 – 14 ეკენია, 1979 | ||
| წიმოხონი | მუჰამედ დაუდი (მუჭოთ პრეზიდენტი) | |
| მონძე | ჰაფიზულა ამინი | |
| პოსტის გერინაშ ბორჯი | ||
| 1 მესი, 1978 – 27 მელახი, 1979 | ||
| წიმოხონი | პოსტიქ გიჭყჷ მუჰამედ მუსა შაფიქი (მუჭოთ პრემიერ-მინისტრი, 1973) | |
| მონძე | ჰაფიზულა ამინი | |
| დუნაბადი | 14 კვირკვე, 1917 ნავა, ღაზნიშ პროვინცია, ავღანეთიშ საამირო | |
| ნაღურა | გჷმათუთა 9, 1979 (62 წანერი) ქაბული, ავღანეთიშ დემოკრატიული რესპუბლიკა | |
| ღურაშ ბაძაძი | ჸვილუა | |
| მენოღალობა | .svg){kind=small} ადრ | |
| პოლიტიკური პარტია | ავღანეთიშ ოკათე დემოკრატიული პარტია | |
| ალმასქუ | ნურ ბიბი | |
| გონათაფა | ქაბულიშ უნივერსიტეტი | |
| საქვარუა | პოლიტიკოსი, ჟურნალისტი, ჭარუ | |
| რელიგია | ათეიზმი | |
დებადჷ ნავას, ღაზნიშ პროვინციას, პუშტუნეფიშ ფანიას. ახალნორდობაშე დაინტერესებული რდჷ ჟურნალისტიკათ დო ჭარალუათ. 1940-იანი წანეფიშე დიჭყჷ ლიტერატურული კარიერა. რდჷ ავტორი შხვადოშხვა თხობელუეფიშ, ნოველეფიშ, ნამუეფით ორხველუდჷ სოციალისტური რეალიზმიშ ჟანრის. 1953 წანას თარაქი ქუდარინეს ავღანეთიშ საელჩოშ ატაშეთ ვაშინგტონს. ავღანეთიშა დორთინაშ უკულ, თარაქიქ ქუდარსხუ მათანგალეფიშ ოფისი, ნამუთ ოინალუდჷ შხვადოშხვა ურცხოული ორგანიზაციეფს. თარაქიქ აქტიურო ქაკათჷ პოლიტიკას 1960-იანი წანეფიშე. 1963 წანას ქუდარსხუ მარქსისტული ავღანეთიშ ოკათე დემოკრატიული პარტია (აოდპ), ნამუსჷთ ხოლოშიანი ურთიართალა უღუდჷ სხუნუეთიწკჷმა. აოდპ-შ დინახალე არსებენდჷ პოლიტიკური კონფლიქტი, ჸათეშ გეშათ 1967 წანას პარტიაქ ჟირო გირთუ: "პარჩამი"-შ ფრაქციაშ ლიდერი რდჷ ბაბრაქ ქარმალი დო "ხალქი"-შ ფრაქციაშ თარაქი. 1977 წანას ჟირხოლო ფრაქციაქ კინ აკიართიანჷ. 1978 წანას ავღანეთის ქუმოხვადჷ საურიშ რევოლუციაქ, ნამუშ შედეგო გეგთარაგვეს მუჰამედ დაუდიშ თარობა. რევოლუციაშ ლიდერეფი რდეს თარაქი დო ჰაფიზულა ამინი. დაუდიშ გინორაგვაფაშ დო ჸვილუაშ უკულ, გიჭყჷ ართპარტიული დემოკრატიული რესპუბლიკაქ, ნამუსჷთ მართუნდჷ აოდპ, თარაქიშ დუდალათ.
მართუალაშ ბორჯის, თარაქიქ წიმიჭყჷ მარქსისტული რეფორმეფი, ნამუეფით ავღანეთის პოპულარული ვარდჷ. თაშნეშე, თიქ გამათხოზჷ ოპონენტეფს, პარჩამიშ მაკათურეფი დო დისიდენტეფი ოჭოფუ დო ჯიხას ქუდახუნუ. ჸათე დო შხვა ფაქტორეფქ მალას გიმიჭანუ არყებეფი ავღანეთის. თარაქი მოხვარას თხულენდჷ სხუნუეთის. უკულ, თარაქიქ მინდომუ ამინიშ დათხინაფა ხოლო. ამინიქ თიში სერიოზული დო ნძალიერი ოპონენტო გინირთჷ. 1979 წანაშ 14 ეკენიას, ამინიქ გეგთარაგუ თარაქი. თე წანაშ 9 გჷმათუთას, ამინიშ ზოჯალათ თარაქი დოჸვილეს.