ობჟათე კოკი
ობჟათე კოკი (ინგლ. South Island, ოფიციალური ჯოხოდვალა: Te Waipounamu) — ახალი ზელანდიაშ უდიდაში კოკი. ობჟათე კოკის ოორუეშე უხურგანს კუკიშ საროტი, ბჟადალიშე ტასმანიაშ ზუღა, ობჟათეშე დო ბჟაეიოლიშე რჩქალი ოკიანე. კოკიშ ფართობიე 150,437 კვ.კმ. დო თინა სიდიდათ მოსოფელიშ მავითოჟირა კოკი რე. ობჟათე კოკის ოორუეშე ობჟათეშახ გოჸუნს ობჟათე ალპეფი, სოდეთ იდვალუაფჷ ახალი ზელანდიაშ უმაღალაში კონკა კუკიშ გვალა (3,724 მ.). ობჟათე კოკიშ მაქსიმალური სიგირძა 840 კმ. დო წყარპიჯიშ სიგინძა 5,842 კმ. რე. 2021 წანაშ ივანობაშ მუნაჩემეფით კოკის ოხორანს 1,196,000 ადამიერი. 84.4% ევროპალი ახალი ზელანდიარეფი რენა დო 9.8 % მაორიშ ეთნიკური ბუნას ორხველჷ.
ობჟათე კოკიშ უდიდაში ნოღეფიე: კრაისტჩერჩი დო დანიდინი. ეკონომიკაშ დარგეფიშე გოვითარაფილი რე: ოფუტეშ მეურნობა, მეჩხომეობა, ტურიზმი დო ინდუსტრია.
ობჟათე კოკი ირთუ 23 ტერიტორიული ორგანოთ: 4 ონოღე სხუნუთ დო 19 რაიონული სხუნუთ.
ქოძირით თაშნეშე რედაქტირაფა
რესურსეფი ინტერნეტის რედაქტირაფა
