ოხვისტეეფიშ ლაჸაფი (სერიალი)
ოხვისტეეფიშ ლაჸაფი (ინგლ. Game of Thrones) — ამერიკული ფენტეზი დო დრამატული სატელევიზიო სერიალი, ნამუთ HBO-შო დევიდ ბენიოფიქ დო დ.ბ. ვაისიშე აზადჷ. თინა გითმიარსხუაფუ „ჸინიშ დო დაჩხირიშ ბირას“, ჯორჯ რეიმონდ რიჩარდ მარტინიშ ფენტეზი-რომანეფიშ სერიას, ნამუშ მაართა წინგის უძახეს „ოხვისტეეფიშ ლაჸაფი“. თინა გინოღალირი რე ბელფასტის დო შხვა აკანეფს - ოორუე ირლანდიას, მალტას, ხორვატიას, ისლანდიას დო მაროკოს. სერიალიშ პრემიერაქ იჸუ HBO-ს, ააშს, 2011 წანაშ 17 პირელს. თინაქ იგინძორუ მაანთხა სეზონით, ნამუთიქ 2014 წანაშ პირელს გიშართჷ.[1]
| ოხვისტეეფიშ ლაჸაფი | |
|---|---|
| Game of Thrones.jpg | |
| ჟანრი |
ფენტეზი დრამა |
| ფორმატი | სერიული დრამა |
| ავტორი |
დევიდ ბენიოფი დ.ბ. ვაისი |
| გითმიარსხუაფუ |
ჸინიშ დო დაჩხირიშ ბირა, ავტორი: ჯორჯ რეიმონდ რიჩარდ მარტინი |
| კომპოზიტორი | რამინ ჯავადი |
| ქიანა | ააშ |
| ნინა | ინგლისური |
| სეზონი | 7 |
| ეპიზოდი | 67 (ეპიზოდეფიშ ერკებული) |
| ემაჸონაფალი პროდიუსერ(ეფ)ი |
დევიდ ბენიოფი დ.ბ. ვაისი ფრენკ დელჯერი ბერნადეტ კოლფილდი კეროლინ სტროსი ჯორჯ რეიმონდ რიჩარდ მარტინი |
| მონტაჟი |
ორელ ნორი ოტი ფრენსის პარკერი მარტინ ნიკოლსონი კეიტი ვაილენდი |
| ხანგინძალა | 51-63 წნ. |
| ორიგინალური არხი | HBO |
| ძირაფაშ ფორმატი |
1080i (HDTV) 720p (HDTV) |
| აუდიო ფორმატი | Dolby Digital 5.1 |
| მაართათ ეთერს | პირელი 17, 2011 |
| ეკონია შვანს ეთერს | ასეშახ |
| საიტი | |
სერიალს მოქიმინჯალა მეურს ვესტეროსიშ დო ესოსიშ გიმოგონილ კონტინენტეფს, 10 წანიან ზარხულიშ დალიას. ნაძირეფუ რე მიარე სიუჟეტური ღოზი. მაართა ეჭარუნს ომაფე ბადებაშ ჸუდეეფიშ ონოღე ლიმას შკვითი ომაფეშ რკინაშ ხვისტაშო ლიმუას. მაჟირა ეჭარუა მოხოლებური ზოთონჯიშ მარდუ ოშქურანჯობას დო ოორუეშ მისტიურ არსებეფს. მასუმას ეჭარილი რე დოხუაფილი დინასტიაშ განშე ომაფეშ დორთინაშ ეკონია ცადება. მორალურო მურუჟამი პერსონაჟეფიშ მოხვარათ, სერიალს მუნარჩქილუ რე სოციალური იერარქიაშ, რელიგიაშ, ართგურობაშ, კორუფციაშ, სექსუალურობაშ, ომენოღალე ლიმაშ, დჷნოშურიშ დო სარჯელიშ პრობლემეფი. მეინსტრიმულ მედიაშა ფენტეზიშ პოპულარიზაციაშა მიშაღალათ თინა ეკონია ბორჯიშ არძაშე მაღალბიუჯეტამი ნახანდა რე.[2]
სერიალს ფართე დო აქტიური პატიმაცემელეფი ჸუნსი. კრიტიკოსეფშე თიქ აღიარება მიპალუ, მარა ტარკალე რსხილეფიშ ძირაფაქ დო ნძალადობაშ სცენეფქ გიმიჭანეს ნირზი. სერიალს მეღებული აფუ მიარე ჯილდო დო ნომინაცია. თენეფ შქას რე „ემიშ პრაიმტაიმ ჯილდო გიშნაგორა დრამატული სერიალშო“ (სუმხოლო სეზონშო), ორქოშ გლობუსი საუჯგუშო დრამატული ტელესერიალიშო, ჰუგოშ ჯილდო საუჯგუშო დრამატული დოდგჷმაშო (გირძეხანიშ ფორმაშ) დო პიბოდიშ ჯილდო. სერიალს არტისტეფშე პიტერ დინკლქ მიღჷ „ემიშ პრაიმტაიმ ჯილდო გიშნაგორა მაჟრახარისხამი არტისტიშო დრამატულ სერიალს“ დო ორქოშ გლობუსი საუჯგუშო მაჟრახარისხამი არტისტიშო სერიალს, მინისერიალს ვარდა ოტელევიზე ფილმის, ტირიონ ლანისტერიშ როლშო.
რესურსეფი ინტერნეტის
რედაქტირაფა
- ოფიციალური ვებ-ხასჷლა – ოფიციალური ააშ საიტი
- ოფიციალური ვებ-ხასჷლა – ოფიციალური ბრიტანული საიტი
- ოხვისტეეფიშ ლაჸაფი Archived 2016-03-17 ვებ-ხასჷლას Wayback Machine. – გჷმოფინუა
- ოხვისტეეფიშ ლაჸაფი — კინოფილმეფიშ ინტერნეტ-მუნაჩემეფიშ ბაზა (ინგლისური)
- ალმანგარეეფიშ ხასჷლეფი
-
- Westeros – სიახალეფი დო ძირაფეფი
- Winter Is Coming – ახალი ამბეეფი დო ძირაფეფი
- Tower of the Hand – ნაწარმებეფი
- A Podcast of Ice and Fire – მოჸოროფეეფიშ ბუნა
სქოლიო
რედაქტირაფა- ↑ ჰიბერდი, ჯეიმზ (პირელი 2, 2013). „ოხვისტეეფიშ ლაჸაფი“ გინოახალებური რე სეზონიშო. Entertainment Weekly. კითხირიშ თარიღი: პირელი 2, 2013.
- ↑ კოლვილი, რობერტ (მესი 21, 2012). ოხვისტეეფიშ ლაჸაფი: შოუ, ნამუთ აკრღვანს ტელევიზიაშ ორქოშ წესეფს. The Telegraph. კითხირიშ თარიღი: ივანობა 11, 2013.