პალეოლითი
პალეოლითი (ბერძენ. παλαιός პალეო... — ჯვეში დო λίθος ...ლითი — ქუა; ჯვეში ქუაშ ხანი) — ქუაშ ხანიშ არძაშე განწე დო ორდოიანი პერიოდი. ქუაშ ხანიშ დორთუალა პალეოლითო დო ნეოლითო ორხველჷ ინგლისარ არქეოლოგი დო ეთნოგრაფი ჯონ ლებოკის (ტერმინი მიშაღალირი რე 1865 წანას). პალეოლითიშ დაჭყაფუ რე უჯვეშაში გჷნათხორა ადამიერეფიშ (ჰომო გაბილისი, პითეკანთროპი) ჸოფაშ ხანი დო გეოლოგიურო პლეისტოცენიშ ორდოიან ოკუჩხალეს უხუჯანს. თე ბორჯიშ კლიმატურ პიჯალეფს, ჩანარულ ოფორუს დო ჩხოლარეფიშ ოქიანუს შანულამი გინორთი უღუდჷ თეხანურობაშე. პალეოლითიშ ადამიერფიშ ტარი ანჯარი რდჷ ქუაშ კვაღა. საჩეხი, წურთულია, ოხეკალი, ოჭკირალი, ხამუ დო შხვა ანჯარეფი. აკეთენდეს ქუაშ დო ყვილიშ ანჯარსჷთ. მეურნობა ესქირაფული რდჷ (ართიანს გეთმიოჭარანდეს), მეჸუნდეს შაყარუას, ჯინორუას დო ჩხომიშ ჭოფუას. შქა პალეოლითის (მუსტიეშ ეპოქა, ნეანდერტალარი ადამერი) გორჩქინდჷ რელიგიაშ წჷმორინეფქ, გიჭყჷ ხელუანური ასდრესიშ ფორმეფქ. პალეოლითიქ დიჭყჷ დოხოლაფირო 2–2,5 მლნ. წანაშ კინოხ (ოლდოვაიშ კულტურა, ბჟაეიოლი აფრიკა).
ლიტერატურა
რედაქტირაფა- თუშაბრამიშვილი დ., არქეოლოგიური დაზვერვები მდ. ყვირილას ხეობაში, «ს. ჯანაშიას სახ. საქართველოს სახელმწიფო მუზეუმის მოამბე», 1963, ტ. 23 B;
- ნიორაძე გ., პალეოლითის ადამიანი დევის-ხვრელში, ტფ., 1933 (საქართველოს მეზეუმის შრომები, ტ. 6.);
- საქართველოს არქეოლოგია, თბ., 1969,
- საქართველოს ისტორიის ნარკვევები, ტ. 1, თბ., 1970
- თუშაბრამიშვილი დ., ქორთული სხუნუეფიშ ენციკლოპედია, ტ. 7, ხს. 647, ქართი, 1984 წანა.
|
ათე სტატია მერკე რე. თქვა შეგილებუნა ქიმეხვარათ ვიკიპედიას დო გაგშათინათ დო გახვეიანათინ. |