პალესტინა
პალესტინა (ბერძენ. Παλαιστίνη, ური. פלשתינה პალესთინა, არაბ. فلسطين ფილასტინ ვარდა ფალასტინ, თაშნეშე ქოძირით ქანაანალი) ართ-ართი ისტორიული ჯოხო რე დიხაში სქირონაშქა ზუღაშ დო წყარმალუ იორდანეშ შქას, მუსხირენ მოხურგე ტერიტორიეფწკჷმა ართო ბჟაეიოლშე დო ობჟათეშე.
რეგიონიშ ჯოხო უწოხოლეში სუმი ვითოშწანურაშ გოძვენას გინორთელი ფორმეფით არსებენდჷ. პალესტინაშ ტერიტორიას მახორუ სემიტური ნოგორიშ ტომეფს რეგიონშა უჯოხოდეს ქანაანი. პალესტინა ბერძენული წჷმოულობაში რე. მაართათ თე ჯოხომიშინუ ანტიკური ხანიშ ბერძენ ისტორიკოსიქ ჰეროდოტექ. მუჟამსჷთ თე დიხეფქ რომიშ იმპერიაშ ნორთო გჷნირთჷნ, პროვინციას თიში ბერძენული ჯოხოთ მიშინუანდეს (პალესტინა) დო თე ჯოხოქ ქჷასქიდჷ დო გიფაჩჷ ედომუშამი რომიშ იმპერიას დო თიშ ფარგალეფიშ გალე. რომიშ იმპერიაშ ჟირ ნორთო გორთუალაშ უკული, პალესტინა ბჟაეიოლ რომიშ იმპერიაშ აკოდგინალუაშა მიშმეშჷ (უკული ბიზანტიის იმპერია). უკული თინა არაბეფიშ პატჷნალაშ გიმე რდჷ. თე პერიოდის მოხვადჷ არაბული მახორობაშ მოჭყანიარაფაქ ეშანილ რეგიონშა. არაბეფიშ უკული, პალესტინას ახალი მაპალუეფქ გეგმურჩქინდეს თურქ–სელჩუკეფიშ სახეთ.
რესურსეფი ინტერნეტისრედაქტირაფა
- www.palestinecenter.org - საიტი პალესტინაშ გეშა, ასეიანი დო ისტორიული ინფორმაციათ
- www.mideastweb.org - პალესტინაშ პოპულაციაშ საიტი
- ხურდეფი დო ქაღარდიშ ფარა ბრიტანეთიშ ომანდატე პალესტინას
- WorldStatesmen- რუკეფი, შილეფი, ქრონოლოგია, ისრაელიშ დო პალესტიაშ ერუანული ატრიბუტეფი
- hWeb - პალესტინაშ რუკეფი
- ენციკლოპედიური ინფორმაცია პალესტინაშ გეშა
- პალესტინაშ ლიბერალურ დემოკრატიული ომაჸალეფი
- რუკეფი
|
ათე სტატია მერკე რე. თქვა შეგილებუნა ქიმეხვარათ ვიკიპედიას დო გაგშათინათ დო გახვეიანათინ. |