პალიასტომი
| პალიასტომი | |
|---|---|
| დოხასიათაფა | |
| სიმაღალა ზუღაშ დონეშე | — 0.3 მ |
| ფართობი | 18,2 კმ² |
| მოცულობა | 52 კმ³ |
| მაქსიმალური სიტომბა | 3,2 მ |
| ოშქაშე სიტომბა | 2,6 მ |
| ღანჩოშ ფართობი | 547 კმ² |
პალიასტომი — გიშმალი ტობა ოდიშ-გურიაშ რზენს, საქორთუოს, ნოღა ფუთიწკჷმა, სამარგალო-ჟიმოლენ შონეშ აკანს. ჟიდოხიშ ფართობი რე 18,2 კმ². ღანჩოშ ფართობი რე 547 კმ², მაქსიმალური სიტომბა — 3,2 მ, ოშქაშე სიტომბა — 52 მლნ. მ³. იდვალუაფუ ზუღაშ დონეშე — 0.3 მ. გიმე. ირდუ ჭვემაშ წყარით დო ნადუეფით. ტობას აკათუ ფიჩორი, გუშმურს წყარმალუ კაპარჭინა. მაღალი დონე უჩქჷ გაზარხულს, ზარხულს დო დამორჩილს, დაბალი — ბზოთონჯის. წყარი ტიბუ რე კვირკვე-მარაშინათუთას (25,1 °C), რგილი რე ღურთუთას (იანარს) (5,2 °C), ნძალიერი ბორიეფიშ გეშა ტობას ფშხირას ჰომოთერმია რე, რგილ ბზოთონჯის იჸინუ.
1924 წანას ტობაშ ობჟათე-ბჟადალ ოპიჯეშე გიშეჸონეს არხი დო ქოუკათინეს უჩა ზუღას. 1933 წანას ნძალიერი ზვირთეფიშ გეშა არხიქ გეფართოუ დო გორჩქინდ საროტიქ, წყარქ ლაშეთ გინირთჷ. გჷმირინუანა ჯა-ტყაშ დანჩურაფალო. ტობას ხე ბრელნერი ჩხომი. ტობა მიშურს კოლხეთიშ ნაციონალური პარკიშ აკოდგინალუაშა, კოლხეთიშ ნაციონალური პარკი ტურისტეფს თავაზენს ონიშე მარშრუტეფს ტობაშ უჯგუშო გაჩინებაფალო.
შხვადოშხვა
რედაქტირაფა- პალიასტომიშ ტობაშე რე ჭარილი ეგნატე ნინოშვილიშ თხობელუა პალიასტომის ტბა, 1891 წანას.
- თე თხობელუაშ მეჯინათ 1963 წანას გინოღალირი რე ფილმი — პალიასტომი.
რესურსეფი ინტერნეტის
რედაქტირაფა- ეგნატე ნინოშვილიშ პალიასტომიშ ტობა Archived 2011-06-23 ვებ-ხასჷლას Wayback Machine.
- ფილმი პალიასტომი Archived 2012-03-12 ვებ-ხასჷლას Wayback Machine.
ლიტერატურა
რედაქტირაფა- აფხაზავა ი., ქორთული სხუნუეფიშ ენციკლოპედია, ტ. 7, ხს. 652, ქართი, 1984 წანა.