პარსეკი

პარსეკი (სიმბოლო: პს) — სიგირძაშ ართული ნამუთ გიმირინუაფჷ დისტანციაშ ოზიმალუ ჸეთი ასტრონომიული ობიექტეფიშა ნამუეფით იდვალუაფჷნა ბჟაშ სისტემაშ გალე. პარსეკი დოხოლაფირო უდრენს 3.26 სინთეშ წანას, 206,000 ასტრონომიულ ართულს, თაშნეშე 30.9 ტრილიონ კილომეტრის (19.2 ტრილიონი მილი).

ტერმინი პარსეკი აკმოდირთუ ზიტყვეფიშე parallax დო second.

დიხაუჩაშე ართი პარსეკიშ სიშორათ მადვალუ ობიექტიშ წანური ტრიგონომეტრიული პარალაქსი უდრენს ართი სეკუნდის. ანუ, პარსეკი რე დისტანცია ნამუშეთ დიხაუჩაშ ორბიტაშ ოშქაშე რადიუსი რჩქუ ართი სეკუნდიშ კუნთხუთ.

პარსეკი: დისტანცია ბჟაშე ობიექტიშახ ნამუშ წანური პარალაქსიშ კუნთხუ ართი სეკუნდი რე

1 პს = ${\frac {1{\rm {AU}}}{\tan(1^{\prime \prime })}}\approx {\frac {1{\rm {AU}}}{1^{\prime \prime }}}={\frac {360\cdot 60\cdot 60}{2\pi }}$ ა.ე. ≈ 206 265 ა.ე. = 3,08568×10¹⁶ მ = 3,2616 სინთეშ წანა.

უხოლაში მურიცხი პროქსიმა კენტავრი იდვალუაფჷ ბჟაშე 1.3 პარსეკიშ სიშორათ.

ასტრონომიას თაშნეშე გიმირინუაფუ ართულეფი: კილოპარსეკი (კპს, ანთასი), მეგაპარსეკი (მგპს, მილიონი), გიგაპარსეკი (გპს, მილიარდი)

რესურსეფი ინტერნეტის

• Guidry, Michael. Astronomical Distance Scales. University of Tennessee, Knoxville. კითხირიშ თარიღი: 26 March 2010.
• Merrifield, Michael. pc Parsec. Brady Haran for the University of Nottingham.