პლაჟი
პლაჟი (ფრანგ. plage – ზუღაშ ელართელი წყარპიჯი) — ზუღაშ წყარპიჯიშ ღოზი, ნამუთ აკოგაფილი რე გვართაგამაშ ნაკადიშ ქიმინჯალაშ ზონას შაყარილი გიმნაღელი მასალათ. გიშმართჷნა კენჭამ, ხრეშამ, ქვიშამ, ალიშკიბირამ პლაჟეფს.
პლაჟი წჷმარინუანს გვართაგამაშე წყარპიჯიშ თხილუაშ ორთაშობურ საშუალებას. მორფოლოგიურო გიშმაგორჷნა რსული დო ვარსული პროფილიშ პლაჟეფს. მაართას ელართელი ზვენილიშ ფორმა უღუ, მაჟირა წჷმარინუანს ზუღაშურე ელართელ გიმნაღელიშ ნოშაყარუს, ნამუშ პუხუ წყარპიჯიშ ბექის გეპონუ. გვართაგამაშ ბონი დო უკუმალობაშ სიჩქარეეფიშ გინორთაშ გეშა პლაჟის მუთმოხვადუ გიმნაღელი მასალაშ დოხარისხაფა სიკაბეტეშ დო სისკენჩერაშ მეჯინათ.
გორკვიაფილ ხეონწყუე პიჯალეფს პლაჟის წჷმიქიმინუ სარგებელი დინოხურიშიშ ქვიშორული საბადოეფი. სოლარიუმეფიშ დო აერარიუმეფით მონწყილ პლაჟეფს გჷმირინუანა კურნალობაშო.
ფართო გაგებათ, პლაჟი აკმიქიმინუ ვახვალე ზუღას, თაშნეშე ტობას, წყაროჩუაშეს დო შხვ. წყარპიჯიშ ღოზეფი პლაჟიშ სახეთ მოსოფელიშ მიარე ქიანას რე წჷმორინელი. მ.შ. გოსოფური საირქიანო ოზუღე კურორტეფი წყარპიჯი ფართო დო ინწრო პლაჟიშ სახეთ უღუ საქორთუოშ ოზუღე ნოღეფს ხოლო, ნამუეფით ემუშაფილი რე რეკრეაციული ღანკეფშო.
რესურსეფი ინტერნეტის
რედაქტირაფა- პლაჟი – ენციკლოპედია ბრიტანიკა (ინგლისური)
- [ღურელი რსხილი პლაჟი – დიდი სახუნუეფიშ ენციკლოპედია] (რუს.)
ლიტერატურა
რედაქტირაფა- ქორთული სხუნუეფიშ ენციკლოპედია, ტ. 8, ხს. 99-100, ქართი, 1984 წანა.
- Ricci Lucchi F., Sedimentologia. Parte 3, cap. 6, pp. 183-214, Bologna, CLUEB, 1980.