პოლ ჯონ ფლორი (ინგლ. Paul John Flory; დ. 19 მანგი, 1910, სტერლინგი, ილინოისი, ააშ — ღ. 9 ეკენია, 1985, ბიგ-სიური, კალიფორნია, ააშ) — ამერიკალი ქიმიკოსი, გურაფულენდჷ პოლიმერეფიშ, მაკრომოლეკულეფიშ ფიზიკურ ქიმიას, მაკრომოლეკულეფიშ თეორიული დო ექსპერიმენტალური რკვიებაშ გეშა გინოჩეს ნობელიშ პრემია ქიმიაშ დარგის 1974 წანას.

პოლ ფლორი
ინგლ. Paul Flory
Paul Flory 1973.jpg
დაბადებაშ თარიღი:

19 მანგი, 1910

დაბადებაშ აბანი:

სტერლინგი, ილინოისი, ააშ

ღურაშ თარიღი:

ეკენია 9, 1985 (75 წანერი)

ღურაშ აბანი:

ბიგ-სიური, კალიფორნია, ააშ

მენოღალობა:

ამერიკაშ აკოართაფილი შტატეფიშ შილა ააშ

ომენცარე სფერო:

ფიზიკური ქიმია

სამუშაშ აბანი :

DuPont
სტენფორდიშ უნივერსიტეტი
კარნეგი-მელონიშ უნივერსიტეტი
კორნელიშ უნივერსიტეტი

ალმა-მატერი:

მანჩესტერიშ უნივერსიტეტი (ინდიანა)
ოჰაიოშ შტატიშ უნივერსიტეტი

ომენცარე ხემანჯღვერი:

ჰენრიკ ჯონსტონი

ჯილდოეფი დო პრემიეფი:

ნობელიშ პრემია ქიმიას (1974)

ბიოგრაფიარედაქტირაფა

პოლ ფლორიქ დებადჷ 1910 წანაშ 19 მანგის, ილინოისიშ ნოღა სტერლინგის. ფლორი გურაფულენდჷ ელგინიშ სკოლას, ილინოისის. უკულ გურაფა გაგინძორჷ მანჩესტერიშ კოლეჯის (ასეიან მანჩესტერიშ უნივერსიტეტი (ინდიანა)), სოდეთ მიპალუ ბაკალავრიშ ხარისხი ქიმიას 1930 წანას. მანჩესტერიშ კოლეჯიშ უკულ ფლორი გურაფულენდჷ ოჰაიოშ შტატიშ უნივერსიტეტის, სოდეთ თხილუ ოდოქტორე დისერტაცია 1934 წანას. გურაფაშ თებაშ უკულ ფლორი მუშენდჷ ამერიკულ ქიმიურ კომპანიას DuPont-ის დო შხვადოშხვა ომენცარე ინსტიტუტეფს. რდჷ სტენფორდიშ უნივერსიტეტიშ ქიმიაშ პროფესორი. პოლ ფლორი რდჷ ნობელიშ პრემიაშ ლაურეატი 1974 წანას დო პიტერ დებაიშ პრემიაშ ლაურეატი 1969 წანას. პოლ ჯონ ფლორიქ 1954 წანას მიპალუ კოლვინიშ მენდალი, 1968 წანას ჩარლზ გუდირიშ ჯოხონობაშ მენდალი, 1971 წანას ელიოტ კრესონიშ მენდალი, 1977 წანას პერკინიშ მენდალი, 1974 წანას პრისტლიშ მენდალი. 1974 წანას პოლ ფლორის გინოჩეს პრესტიჟული მენცარობაშ ერუანული მენდალი. პოლ ფლორე რე 300-შე უმოსი მენცარული პუბლიკაციაშ, სტატიაშ დო წინგიშ ავტორი.

გიშნაგორა პუბლიკაციეფირედაქტირაფა

  • Flory, Paul. (1953) Principles of Polymer Chemistry. Cornell University Press.
  • Flory, Paul. (1969) Statistical Mechanics of Chain Molecules. Interscience.
  • Flory, Paul. (1985) Selected Works of Paul J. Flory. Stanford Univ Press.

ლიტერატურარედაქტირაფა

  • Morris, Peter J. T. (1986) Polymer Pioneers: A Popular History of the Science and Technology of Large Molecules Center for History of Chemistry, Philadelphia.

რესურსეფი ინტერნეტისრედაქტირაფა

ვიკიოწკარუეს? რე ხასჷლა თემაშენ: