პრისტლიშ მენდალი
პრისტლიშ მენდალი (ინგლ. Priestley Medal) რე ამერიკაშ ქიმიური ჯარალუაშ ჯილდო ნამუთ გინმაჩამუ ქიმიაშ დარგის მოხანდე გიშარჩქინელ მენცარეფს. ჯილდოქ დირსხუ 1922 წანას დო რე შინელი ინგლისარი ქიმიკოსიშ ჯოზეფ პრისტლიშ ჯოხონობაშ. დუდშე მენდალს გინმოჩანდეს ირ სუმ წანას, 1945 წანაშე მენდალი ირწანიანი ჯილდო რე. პრისტლიშ მენდალიშ მაართა ლაურეატი რდჷ ამერიკალი ქიმიკოსი ირა რემსენი.