ჟირაფიშნერეფი (ლათ. Giraffidae) — მანკორალი ბჟაშუმუეფიშ ფანიაშ ჭკობაჩორქოამეფიშ რანწკიშ ჩხოლარი. აკმაართიანენს 2 გვარიშ 2 გვარობას: რჩქვანელობურ ჟირაფის დო ოკაპის. რჩქვანელობური ჟირაფიშ (Giraffa camelopardalis) სიმაღალა 5-6 მეტრის, წონა 550-1800 კგ-შახ რე. უღუ კუნტა რსხული, გჷრძე მაღალი კინჩხი, მორჩილი დუდი, დიდი თოლეფი, კუნტა დო ინწრო ჸუჯეფი, ჭიჭე ქალეფი. არეალიშ შხვადოშხვა ხურგეფს ფერი მათირეფონი რე დო თეშ გეშა ჟირაფიშ მუსზირენ გიმეგვარობას გიშმართჷნა. გოფაჩილი რე აფრიკას, საჰარაშ ობჟათეშე. ხე სავანეფს. აკმოქიმინჷნს მორჩილ ბუნეფს, ნამუეფით 12-15 (კანკალეშა 70-შახ) შურშე აკმოდირთუ. აქტიური რე დღაშით. ჭკომჷნს ლაკაციაშ ფურცელეფს დო ნოჸელეფს. უჭუ ჯგირი თოლსინთე დო რჩქილა. მაკება 420-450 დღას იგჷნძარებუ. ხორცის ოჭკომალო გჷმირინუანა, ტყების — შხვადოშხვა ნოკეთობეფშო.
