რკინაშ კოჩი
რკინაშ კოჩი — Marvel Comics-იშ პერსონაჟი დო ათე კომპანიაშე ღოლამირ ისტორიეფიშ ოქიანუშ სუპერგერგეზი. თიში მაღოლამარი რე სტენ ლი. ბიოგრაფიაშ ავტორი რე ლერი ლიბერი, დიზაინი აკიმუშეს ხანტუეფქ, დონ ჰეკიქ დო ჯეკ კირბიქ. პერსონაჟიქ მაართათ გიმორჩქინდჷ კომიქსის „Tales of Suspense“ 39-ა ნომერს (1963 წანაშ მელახი).
| რკინაშ კოჩი | ||||||||||||||||
| ||||||||||||||||
| ისტორია | ||||||||||||||||
| ||||||||||||||||
დუდშე სიუჟეტიშ მეჯინათ რკინაშ კოჩი, ნამუთ სინანდულას რე მილიარდერი პლეიბოი, ინდუსტრიალისტი დო გუმმაგონაფალი, ტონი სტარკი, ხვამლაფირი დო ჭყოლირი რე. ათე პერიოდის ტერორისტეფი თის დანძალენა, ეიონწყუას არძაშული მერეხუაშ ანჯარი. მიკუჯინუო თეში, თინა ქიმინუნს კაჟანს, ნამუთ თის გინასქილიდუანს დო ჭკორალაშე თუდიშ გიშაღალას მეხვარებჷ. გვიანო თინა მუშ გუმოგონებას სრულჸოფირენს დო მოსოფელიშ მარსხალო გიშარჩქინდუ. მუში მასშტაბური კომპანიაშ, Stark Industries მოხვარათ ტონი ღოლანს მიარე მილიტარულ ანჯარს, ნამუეფიშ ნორთიქ თიში კოსტუმიშ ნორთო გინირთჷ. დუდშე რკინაშ კოჩი ირკვიენდჷ რგილი ლჷმაშ პერიოდიშ მოლინეფს, უკული თინეფქ უმოს ალმახანურ ელმოლშა გინორთეს დო მეუხუჯეს კორპორატიული კრიმინალიშ დო ტერორიზმიშ ელემენტეფით.
გიშმაშქუმალარეფიშ ისტორიაშ გოძვენას რკინაშ კოჩი ხოლო ბუნა „ნჯარიშ ეშმაღალარეფს“ ოკათუდჷ. რკინაშ კოჩიშ დუდსგინნაველეფქ ადაპტირაფილქ იჸუ შხვადოშხვა ტელესერიალიშ დო კინოფილმეფიშო. სუმ კინოფილმის, „რკინაშ კოჩი“, „რკინაშ კოჩი 2“ დო „რკინაშ კოჩი 3“ თიშ როლს რობერტ დაუნი უკლაში ასრულენს. თინა ხოლო გიშარჩქინდჷ 2012 წანაშ ფილმის „ნჯარიშ ეშმაღალარეფი“ დო ეპიზოდურ როლს, ფილმის „მერეთი ჰალკი“ (2008). 2011 წანას რესურსიქ IGN რკინაშ კოჩი მახვამილჷ კომიქსეფიშ პერსონაჟეფიშ რეიტინგიშ 12-ა პოზიციას.
რესურსეფი ინტერნეტის
რედაქტირაფა- Iron Man Library Archived 2018-12-23 ვებ-ხასჷლას Wayback Machine.