რობერტ ინესი
რობერტ ტორბერნ ეიტონ ინესი (ინგლ. Robert Thorburn Ayton Innes; დ. 10 გერგობათუთა, 1861, ედინბურგი, შოტლანდია — ღ. 13 მელახი, 1933, ლონდონი, ინგლისი) — შოტლანდიარი ასტრონომი. შინელი რე მუჭოთ მურიცხი პროქსიმა კენტავრიშ დო კომეტა C/1910 A1-შ მაძირაფუ. ინესი რდჷ მოჸოროფე ასტრონომი, ნამუსჷთ უმაღალაში გონათაფა ვაუღუდჷ. ცხოვრენდჷ ავსტრალიას, სოდეთ ღვინით ვაჭრენდჷ. სიდნეის, მუშ ჸუდეს ჭიჭე ობსერვატორია მანწყუ დო მუშ ნაკეთებჷ ტელესკოპით ოკვირუდჷ დო ირკვიენდჷ მურიცხეფს. 1900 დო 1927 წანეფს გჷმაბჟინუ მურიცხეფიშ კატალოგი. ავსტრალიაშ უკულ ოცხოვრებშა დო ომუშებუშა ობჟათე აფრიკაშა გეგნორთჷ დო მუშენდჷ იოჰანესბურგიშ ობსერვატორიას დო რდჷ თიში დირექტორი. ჸათაქ მუშობაშ ბორჯის გიმირკვიუ დიაშ ალმაშარეეფი ხოლო. ინესი რდჷ ედინბურგიშ ომაფე ჯარალუაშ დო ასტრონომიაშ ომაფე ჯარალუაშ მაკათური. 1923 წანას ლეიდენიშ უნივერსიტეტიქ ინესის გინოჩჷ საპატიო დოქტორიშ ტიტული. ღურუ 1933 წანას, ლონდონს. რობერტ ინესიშ ჯოხონობაშ რე ართ-ართი კრატერი თუთას დო ართ-ართი ასტეროიდი.
| რობერტ ინესი | |
| ინგლ. Robert T. A. Innes | |
 | |
| დაბადებაშ თარიღი: | |
|---|---|
| დაბადებაშ აბანი: | |
| ღურაშ თარიღი: |
მელახი 13, 1933 (71 წანერი) |
| ღურაშ აბანი: | |
| მენოღალობა: | |
| ომენცარე სფერო: | |
| სამუშაშ აბანი : |
იოჰანესბურგიშ ობსერვატორია |
| ჯილდოეფი დო პრემიეფი: |
ასტრონომიაშ ომაფე ჯარალუაშ მაკათური |
.svg){kind=small}