რობერტ ლი
რობერტ ედვარდ ლი (ინგლ. Robert Edward Lee; დ. 19 ღურთუთა, 1807 — ღ. 12 გერგობათუთა, 1870) — ამერიკაშ კონფედერაციული შტატეფიშ ოურდუმე მოღალე, გენერალი, აკშ-იშ აკოანჯარაფილი ნძალეფიშ მანჯღვერთარი ამერიკაშ ომენოღალე ლჷმაშ დათებუ პერიოდის. ლი ხემანჯღვერენდჷ ოორუე ვირჯინიაშ არმიას — კონფედერაციაშ არძაშე უმოსო ნძალიერი არმიას 1862 წანაშე თიში კაპიტულაციაშახ (1865).
| რობერტ ლი Robert E. Lee | ||
 რობერტ ლი 1884 წანას | ||
| ამერიკაშ კონფედერაციული შტატეფიშ არმიაშ მანჯღვერთარი | ||
|---|---|---|
| პოსტის გერინაშ ბორჯი | ||
| 6 ფურთუთა, 1865 – 12 პირელი, 1865 | ||
| წიმოხონი | პოსტიქ გიჭყჷ | |
| მონძე | პოსტიქ გეუქვჷ | |
ვაშინგტონიშ დო ლიშ უნივერსიტეტიშ 1-ა პრეზიდენტი | ||
| პოსტის გერინაშ ბორჯი | ||
| 1865 – 1870 | ||
| წიმოხონი | ჯორჯ ჯანკინი | |
| მონძე | კასტის ლი | |
ააშ-იშ ოურდუმე აკადემიაშ სუპერინტენდენტი | ||
| პოსტის გერინაშ ბორჯი | ||
| 1852 – 1855 | ||
| წიმოხონი | ჰენრი ბრიუერტონი | |
| მონძე | ჯონ გროს ბარნარდი | |
| დუნაბადი | 19 ღურთუთა, 1807 სტრატფორდ-ჰოლი, უესტმორლენდი, ვირჯინია, ააშ | |
| ნაღურა | გჷმათუთა 12, 1870 (63 წანერი) ლექსინგტონი, ვირჯინია, ააშ | |
| მენოღალობა |  ააშ.svg){kind=small} აკშ | |
| ერუანობა | ამერიკალი | |
| ალმასქუ | მერი ანა რენდოლფ კასტისი | |
| სქუალეფი | ჯორჯი, მერი, უილიამი, რობერტი, ენი, ელეანორი, მილდრედი | |
| გონათაფა | ააშ-იშ ოურდუმე აკადემია | |
| ხეშმოჭარუა |  | |
დებადჷ რევოლუციონერი ოფიცერიშ ჰენრი ლიშ ფანიას. გურაფულენდჷ ამერიკაშ ოურდუმე აკადემიას დო უკულ ნინალენდჷ აშშ-იშ არმიას დოხოლაფირო 32 წანაშ გოძვენას. რობერტ ლიქ, მუჭოთ ნიჭიერი ოურდუმე მოღალექ, დუდი გიმირჩქინჷ ამერიკა-მექსიკაშ ლჷმას. 1852-1855 წანეფს მუშენდჷ ამერიკაშ ოურდუმე აკადემიაშ სუპერინტენდენტო. ლი, მუში ფილოსოფიური არზუანობათ დუდშე აწურედჷ დოლმახორალას, მარა იშენით თის ხუჯი დუკინჷ დო დოლმახორეეფი მუს ხოლო ჸუნდჷ. მუჟამსჷთ ვირჯინიაქ, 1861 წანას, ააშ-იშ აკოდგინალუაშე გიშელუნჷ, ლიქ მუში შტატიშ გინოჭყვიდირს ქალუდირთჷ დო კონფედერაციაშ ჯარეფს ქაკათჷ დო უკულ, მოღალენდჷ კონფედერაციაშ პრეზიდენტიშ ჯეფერსონ დეივისიშ ოურდუმე ელმაჩამალო.
1862 წანას ლიქ გინირთჷ ოორუე ვირჯინიაშ არმიაშ ხემანჯღვერო. 1862 წანაშ 25 მანგი - 1 კვირკვეს, ლიშ მანჯღვერალათ კონფედერატეფქ რიშმონდიშ გოხოლუაშე გეგშარაჸეს პოტომაკიშ ჯარეფი. 1862 წანაშ 28-30 მარაშინათუთაშ, ბულ-რანის მაჟირა ლჷმას კონფედერატეფიშ გომორძგუაშ უკულ, ლიქ მერილენდიშა გემშეჭკირჷ. ენტიტემიშ ლჷმას მარცხიშ უკულ, ლიქ უკახალე დიკინჷ. ლიქ ფრედერიკსბერგიშ დო ჩანსელორსვილიშ ლჷმეფს ორჯგინჷ ოორუეშ ჯარეფს დო უკულ, 1863 წანაშ ზარხულს, მაჟირაშა გემშეჭკირჷ ოორუე შტატეფიშ ტერიტორიაშა. მარა ვართ თე კამპანიას მუღალუ შანულამი შედეგეფი კონფედერაციაშო. 1863 წანაშ 1-3 კვირკვეშ გეტისბერგიშ ლჷმას, ოორუეშ ჯარეფქ, გენერალი ჯორჯ მიდიშ ხემანჯღვერობათ დამარცხეს კონფედერატეფიშ ნძალეფი. ჸათეშ უკულ ლის მუთუნნერი შანულამი გომორძგუაშა ვემუჭირინუაფუ. პიტერსბერგიშ ქართაშ დო რიჩმონდიშ ეჭოფუაშ უკულ, ოორუეშ ჯარეფქ მოჯალაგეს ლიშ არმია. ლიქ დემარცხჷ დო კაპიტულაცია გეგმაცხადჷ 1865 წანაშ 9 პირელს.
ომენოღალე ლჷმაშ უკულ, ლი მუშენდჷ ვაშინგტონიშ კოლეჯიშ (ასეიანი ვაშინგტონიშ დო ლიშ უნივერსიტეტი, ლექსინგტონი, ვირჯინია) პრეზიდენტო დო რდჷ ოორუე დო ობჟათე შტატეფიშ შერიგაშ მოხუჯე. თიქ თაშნეშე ხუჯი დუკინჷ დოლმახორალაშ გოუქვაფას. ლიქ ღურუ 1870 წანაშ 12 გჷმათუთას, 63 წანერქ. ღურაშ უკულ, რობერტ ლიქ გინირთჷ ობჟათე შტატეფიშ გერგეზო. შხვადოშხვა ნოღეფს ეიოგეს თიში ბრელი მონუმენტი. რობერტ ლი მერჩქინელი რე ართ-ართი უდიდაში ოურდუმე მოღალეთ. მარა თინა სქიდუ ოდებელი ფუგურათ ამერიკაშ ისტორიას.