როდოსიშ კოლოსი

როდოსიშ კოლოსი — მოსოფელიშ შკვითი სამანცარობაშე ართ-ართი. ბჟაშ ღორონთიშ — ჰელიოსიშ ქვერსემი ნაწახნაკა, ნამუთ გედგუდჷ კოკი როდოსის. როდოსალეფიშ რწუმათ, ჰელიოსი ნორას გინმუფორუანდჷ დო ბერძენეფს ნტერწკჷმა ბურჯაფის ოხვარუდჷ. როდოსიშ კოლოსიქ აკიგჷ ჯვ. წ. III ოშწანურას.

ჰელიოსიშ ნაწახნაკა ჩე მარმარილოშ ჯინჯექუას გედგუდჷ. თის გურგინით გოლუაფირი ახალნორდი ბოშკოჩიშ სახე უღუდჷ. თიში სიმაღალა 37 მეტრი რდჷ. ჯვ. წ. 227 წანას, კოკი როდოსის დიხაშნწალუაქ მოხვადჷ, ნამუქჷთ როდოსიშ კოლოსი ედომუშამო აკარღვუ. ვა რე ასქილადირი მორჩილი ნორთით.

ლიტერატურა

გასართობი ცნობარი — ზ. ბაგათელია. გვ. 111—116

რესურსეფი ინტერნეტის

(ინგლ.) როდოსიშ მეგორაფა Archived 2012-06-21 ვებ-ხასჷლას Wayback Machine.
(ინგლ.) როდოსიშ კოლოსი — ჯვეში მოსოფელიშ სამანცარობა
(ინგლ.) როდოსიშ კოლოსი BBC.com.uk-ის