სამორა მაშელი
სამორა მოიზეშ მაშელი (პორტ. Samora Moisés Machel; დ. 29 ეკენია, 1933 — ღ. 19 გჷმათუთა, 1986) — მოზამბიკარი სოციალისტი პოლიტიკოსი დო რევოლუციონერი, მოზამბიკიშ მა-1 პრეზიდენტი 1975-1986 წანეფს.
| სამორა მაშელი | ||
 მაშელი 1985 წანას | ||
| მოზამბიკიშ მა-1 პრეზიდენტი | ||
|---|---|---|
| პოსტის გერინაშ ბორჯი | ||
| 25 მანგი, 1975 – 19 გჷმათუთა, 1986 | ||
| წიმოხონი | პოსტიქ გიჭყჷ | |
| მონძე | ჟოაკიმ ჩისანო | |
მოზამბიკიშ გადუდიშულაფაშ ფრონტიშ პრეზიდენტი | ||
| პოსტის გერინაშ ბორჯი | ||
| 14 მესი, 1970 – 19 გჷმათუთა, 1986 | ||
| წიმოხონი | ედუარდო მონდლანე | |
| მონძე | ჟოაკიმ ჩისანო | |
| დუნაბადი | 29 ეკენია, 1933 გაზა, პორტუგალიაშ ბჟაეიოლი აფრიკა | |
| ნაღურა | გჷმათუთა 19, 1986 (53 წანერი) მბუზინი, ტრანსვაალი, ოარ | |
| ღურაშ ბაძაძი | ავიაკატასტროფა | |
| მენოღალობა |  მოზამბიკი | |
| ერუანობა | მოზამბიკარი | |
| პოლიტიკური პარტია | ფრელიმო | |
| ალმასქუ | 1. ჟოზინა მუტემბა 2. გრასა სიმბინე | |
| სქუალეფი | 8 | |
| ჯილდოეფი |  .png){kind=small}    _-_ribbon_bar.gif){kind=small}     | |
დებადჷ 1933 წანაშ 29 ეკენიას, გაზაშ პროვინციას, პორტუგალიაშ მოზამბიკის. სკოლაშ თებაშ უკულ, გურაფა გაგინძორჷ კათოლიკურ სემინარიას. 1963 წანაშე მუშენდჷ მაპუტუშ ჰოსპიტალს. 1960-იან წანეფს მაშელიქ ქაკათჷ მოზამბიკიშ გადუდიშულაფაშ ფრონტის (ფრელიმო), ნამუთ პოლიტიკური დო ოურდუმე ორგანიზაცია რდჷ. ორგანიზაციაშ ღანკი რდჷ ლჷმა მოზამბიკიშ ზოხორინელობაშო. ფრელიმოქ მაშელი გოუტუ ალჟირიშა, ოურდუმე ტრეინინგეფშა. ოდაბადეშა დორთაშ უკულ, მაშელიქ უცბას მიპალუ პოპულარობა ფრელიმოშ დინახალე. ფრელიმოშ ლიდერიშ ედუარდო მონდლანეშ ღურაშ უკულ, ორგანიზაციაშ ხემანჯღვერო მაშელიქ გინირთჷ.
მოზამბიკიქ პორტუგალიაშე ზოხორინელობა მიპალუ 1975 წანას. ქიანაშ მაართა პრეზიდენტო მაშელიქ გინირთჷ. ფრელიმო დო მაშელი მეთხოზუდეს მარქსისტული იდეოლოგიას. ნაციონალიზაფილქ იჸუ კერძო კომპანიეფქ დო ინსტიტუციეფქ. 1980-იან წანეფს მოზამბიკის სერიოზული ეკონომიკური პრობლემეფი უღუდჷ. ქიანას ფშხირი რდჷ ორთაშობური მოლინეფი: წყარალა, გოლოფა. თაშნეშე, მიშჷ ომენოღალე ლჷმა მოზამბიკიშ ერუანული აწმარენჯობაშ (რენამო) ოურდუმე ორგანიზაციაწკჷმა, ნამუთ მაშელიშ თარობაშ გინორაგვაფას ოცადუდჷ.
1986 წანაშ 19 გჷმათუთას, მაშელი ზამბიაშე მოზამბიკიშა ირთუდჷ, მუჟამსჷთ თიში ავიალაინერქ ტუ-134-ქ ქეგთოლჷ, მოზამბიკი-ობჟათე აფრიკაშ სანძღოშ გოხოლუას. ავიაკატასტროფას დოღურეს მაშელიქ დო მოზამბიკიშ თარობაშ მაკათურეფქ.