სამშურე (ლათ. Ocimum) — ბართვოდიარე ვარ-და ბართვამი ჩანარეფიშ გვარი მაჭუჭელაიაშობურეფიშ ფანიაშე. ჩინებული რე 150-შახ გვარობა. ტყას ჩანს სუბტროპიკულ დო ატროპიკულ ქიანეფს. ზჷმიერი ჰეერიშ პიჯალეფს მინი გვარობა ართწანიანი რე.

ჸოფილ სსრრ-შ სამშურეშ 2 გვარობა რე: ორტვინიშ სამშურე (Ocimum basilicum), ნამუსჷთ გიმირინუანა ორკვანალო, ოკონდოტერე წარმებას დო ლიქიორიშ ოკეთებელო; ევგენოლიშ სამშურე (Ocimum manthaefolium, Ocimum gratissimum) 70-100 სმ სიმაღალაშ მიარეწანიანი, ტროპიკული ბართვოდიარე რე. ჩანარს დუდელეშნერი ბიბლეფით თებული ელახიანი ნოჸელეფი, დოჸალერი ქუჩუცა ჯინჯი, შხუ მარქვალიშობურ-ლანცეტიშობური ფურცელი უღუ. ართ ჰა-ს მოურს 40-80 ცენტნერი წვანე მასა, ნამუთ იკათუანს 0,3% ეთერზეთის, თე ეკონია — 70%-შახ ევგენოლს.

სამშურე საქორთუოშ რეგიონეფსჷთ მოჸუნა. ჩქინწკჷმა სამშურე ართწანიანი ჩანარი რე. გჷმირინუანა პარფიუმერიას დო ოჭკომალიშ რეწუას, მედიცინას — ოსქილადე მეშქაშათ. სამშურეშე ღებულენა ვანილს. სამშურე იმიარებუ თასით. ორგაშე გეშოტიბაშეს დორგუაფაშ ხანი რე მესიშ მაართა ნორთი. ორგუანა ოთხრადამი ორგაშეშ ორგალი მანქანათ. სამშურეშ ნათასა ოხვილჷ ორგანული დო მინერალური (უმოსო აზოტამი) სასუქეფით გოჸოფიერაფას. ოვეგეტაციე პერიოდი რე (დორგუაფაშე მოსალშ ეჭოფუაშახ) 130-150 დღა.

ლიტერატურა რედაქტირაფა