სანტიაგო რამონ-ი-კახალი
სანტიაგო რამონ-ი-კახალი (ესპ. Santiago Ramón y Cajal; დ. 1 მესი, 1852, პეტილია-დე-არაგონი, ნავარა, ესპანეთი — ღ. 17 გჷმათუთა, 1934, მადრიდი, ესპანეთი) — ესპანარი ექიმი, მენცარი დო ჰისტოლოგი, უმოსო ხანდენდჷ ნეიოროანატომიას დო გურაფულენდჷ ცენტრალურ ნერვულ სისტემას, ტვინიშ მიკროსკოპულ სტრუქტურას. სანტიაგო რამონ-ი-კახალქ დო კამილო გოლჯიქ 1906 წანას მიპალეს ნობელიშ პრემია ფიზიოლოგიაშ დო მედიცინაშ დარგის. რამონ-ი-კახალი რდჷ მაართა ესპანარი ნამუქით მიპალუ ნობელიშ პრემია. სანტიაგო რამონ-ი-კახალი რე ნეირომენცარობაშ ართ-ართ დუმარსხუაფალი.
| სანტიაგო რამონ-ი-კახალი | |
| ესპ. Santiago Ramón y Cajal | |
_portrait_(restored).jpg) | |
| დაბადებაშ თარიღი: | |
|---|---|
| დაბადებაშ აბანი: | |
| ღურაშ თარიღი: |
გჷმათუთა 17, 1934 (82 წანერი) |
| ღურაშ აბანი: | |
| მენოღალობა: | |
| ომენცარე სფერო: | |
| სამუშაშ აბანი : |
მადრიდიშ ცენტრალური უნივერსიტეტი |
| ალმა-მატერი: | |
| ომენცარე ხემანჯღვერი: |
აურელიანო მაესტრო დე სან ხუანი |
| ჯოხოშინელი მოგურაფეეფი: |
ფერნარდო დე კასტრო როდრიგესი |
| ჯილდოეფი დო პრემიეფი: |
ნობელიშ პრემია ფიზიოლოგიაშ დო მედიცინაშ დარგის (1906) |
| ხეშმოჭარუა: |
|
ბიოგრაფია
რედაქტირაფასანტიაგო რამონ-ი-კახალი გურაფულენდჷ მედიცინას სარაგოსაშ უნივერსიტეტის, სოდეთ მუშ მუმა ანატომიას ოგურუანდჷ. გურაფაშ თებაშ უკულ ესპანეთიშ არმიას მსახურენდჷ. 1874-1875 წანეფს მონაწილენდჷ ვითწანიან ლჷმას, სოდეთ ქაღოლჷ მალარიაქ დო ტუბერკულოზიქ. ესპანეთშა დორთინაშ უკულ, კურორტი პანტიკოსას კურნალენდჷ. 1877 წანას რამონ-ი-კახალქ მიპალუ მედიცინაშ დოქტორიშ ხარისხი. 1879 წანაშე რდჷ სარაგოსაშ მუზეუმიშ დირექტორი. 1883 წანაშე რამონ-ი-კახალი სარაგოსაშ უნივერსიტეტის მუშენდჷ, უკულ გეგნორთჷ ვალენსიაშ უნივერსიტეტიშა, სოდეთ რდჷ ანატომიაშ პროფესორი. 1887 წანას რამონ-ი-კახალქ გეგნორთჷ ბარსელონაშ უნივერსიტეტიშა. ბარსელონაშ უნივერსიტეტიშ უკულ მუშენდჷ მადრიდის, სოდეთ რდჷ ჰიგიენაშ ერუანული ინსტიტუტიშ დირექტორი. 1922 წანას რამონ-ი-კახალქ დარსხუ ბიოლოგიური რკვიებეფიშ ლაბორატორია (ასეიან კახალიშ ინსტიტუტი). რამონ-ი-კახალიშ ინტერესეფიშ სფერო რდჷ ცენტრალური ნერვული სისტემა, ტვინიშ სტრუქტურა. მენცარული რკვიებაშ ბორჯის ორთუდჷ ანოტიმიურ ილუსტრაციეფს ხოლო. სანტიაგო რამონ-ი-კახალი მერჩქინელი რე ნეირომენცარობაშ ართ-ართ დუმარსხუაფალო. რამონ-ი-კახალიშ არძაშე უმოსო გიშარჩქინელ ნახანდი რე "ნერვული სისტემაშ დეგენერაცია დო რეგენერაცია" (ესპ. Estudios sobre la degeneración y regeneración del sistema nervioso), ნამუქით გიშართჷ ჟირ ტომო 1913-1914 წანეფს. 1904 წანას ბერლინ-ბრანდენბურგიშ მენცარობაშ აკადემიაქ რამონ-ი-კახალს გინოჩჷ ჰელმჰოლციშ მენდალი. 1906 წანას სანტიაგო რამონ-ი-კახალი რდჷ ნობელიშ პრემიაშ ლაურეატი ფიზიოლოგიაშ დო მედიცინაშ დარგის.
პერსონალური რინა
რედაქტირაფასანტიაგო რამონ-ი-კახალიშ ოსური რდჷ სილვერია ფანანას გარსია. ჸუნდეს 12 სკუა. ინგლისარი პროფესორი ჯ.ბ. ტრენდი ჭარუნდჷ, ნამდა რამონ-ი-კახალი პოლიტიკურო რდჷ ლიბერალი, ფილოსოფიურო ევოლუციონისტი დო რელიგიურო აგნოსტიკი. რამონ-ი-კახალქ ღურუ 1934 წანაშ 17 გჷმათუთას, მადრიდის.
ლიტერატურა
რედაქტირაფა- Everdell, William R. (1998). The First Moderns. Chicago: University of Chicago Press.
რესურსეფი ინტერნეტის
რედაქტირაფა
- სანტიაგო რამონ-ი-კახალი Nobelprize.org-ის
- სანტიაგო რამონ-ი-კახალიშ მენცარული ილუსტრაციეფი
- Marina Bentivoglio Life and discoveries of Cajal Nobel Prizes and Laureates, 20 April 1998
- Cajal's Láminas ilustrativas Centro Virtual Cervantes
- Javier de Felipe Brief overview of Ramón y Cajal's career www.psu.edu The Pennsylvania State University, 1998