სიდნი ლუმეტი

სიდნი ლუმეტი (ინგლ. Sidney Lumet; დ. 25 მანგი, 1924, ფილადელფია — ღ. 9 პირელი, 2011, ნიუ-იორკი) — ამერიკალი კინორეჟისორი, სცენარისტი დო პროდიუსერი. გინოღალირი აფუ 50-შე უმოსი ფილმი. ლუმეტიშ ფილმეფს მაკათური არტისტეფქ გვალო ოსკარიშ 18 ნომინაცია დეინალესჷ. თიშ არძაშე ჩინებული ფილმეფი რე „12 გარღვინჯებული ქომოლკოჩი“ დო „ბონდღი“.

სიდნი ლუმეტი
მოღალობა	1939-2007
ბიოგრაფიული ჩინებეფი
დაბადებაშ თარიღი	25 მანგი, 1924
დაბადებაშ აბანი	ფილადელფია, ააშ
ღურაშ თარიღი	9 პირელი, 2011 (86 წანერი)
ღურაშ აბანი	ნიუ-იორკი, ააშ
მენოღალობა	რეჟისორი, სცენარისტი, პროდიუსერი
ჯილდოეფი:	ოსკარი, ორქოშ გლობუსი

ბიოგრაფია

სიდ­ნი ლუ­მე­ტიქ 1924 წანას ფი­ლა­დელ­ფი­ა­ს, ური­უ­ლი თე­ატ­რიშ არტისტეფიშ ფანიას დაე­ბა­დჷ. 4 წანაშ ასა­კი­შე სცე­ნა­ს გერდჷ, ოკათუდჷ რა­დი­ო­დოდ­გჷ­მებფს, 30-იანი წანეფიშ ბო­ლო­შე ბროდ­ვე­იშ სცე­ნა­შა გინორთჷ. 50-იანი წანეფიშე სიდ­ნი ლუ­მე­ტი ტე­ლე­არხ „CBS”-იშ ო­ტე­ლე­ვი­ზიე ფილ­მე­ფიშ რე­ჟი­სო­რო მუ­შენდჷ. ტელევიზიას თიქ 10 წანა იმუშუ, უკულ ქოთ კინემატოგრაფიაშა გეგნორთჷ. თიში კინოკარიერაქ დიჭყჷ ფილმით „12 გარღვინჯებული ქომოლკოჩი“, ნამუქით რეჟისორს ოსკარიშ მაართა ნომინაცია მოუღჷ.

პოლაკიშ ფილმეფს ოკათუდეს თიჯგურა არტისტეფი მუჭომეფით რენა: როდ სტაიგერი ფილმიშე მევახშე, შონ კონერი თარი როლს ფილმიშე ზუბი დო ანდერსონიშ ინნაჭარეფი, ალ პაჩინო სერპიკო დო ჯოღორულ ონდღე დო შხვეფი.

2005 წანას ამერიკაშ კინოაკა­დე­მი­აქ შინელი ოს­კა­რი გინოჩჷ. ლუმეტიშ ეკონია ფილმი რდჷ 2007 წანას გიშულირი კრიმინალური ტრაგედია „სოიშა ეშმაკი ქიგეგენს ნამდა ღურელი რექ“. ლუმეტიქ 2011 წანაშ 9 პირელს, 86 წანაშ ხანს ლიმფომაშე დოღურჷ.

ფილმოგრაფია

• 1957 - 12 გარღვინჯებული ქომოლკოჩი (12 Angry Men)
• 1962 - გირძე დღა სერშა (Long Day's Journey Into Night)
• 1964 - მევახშე (The Pawnbroker)
• 1965 - ზუბი (The Hill)
• 1971 - ანდერსონიშ ინნაჭარეფი (The Anderson Tapes)
• 1973 - სერპიკო (Serpico)
• 1974 - ჸვილუა ბჟაეიოლუშ ექსპრესის (Murder on the Orient Express)
• 1975 - ჯოღორული ონდღე (Dog Day Afternoon)
• 1976 - ბონდღი (Network)
• 1977 - ეკვუსი (Equus)
• 1981 - ნოღაშ მაფასქირი (Prince of the City)
• 1982 - ვერდიქტი (The Verdict)
• 1990 - კითხირი დო პასუხეფი (Q & A)
• 1997 - ინტენსიური თერაპია (Critical Care)
• 2007 - სოიშა ეშმაკი ქიგეგენს, ნამდა ღურელი რექ (Before the Devil Knows You're Dead)

რესურსეფი ინტერნეტის

• შეგილებუნა ქოძირათ მედიაფაილეფი თემაშე „სიდნი ლუმეტი“ ვიკიოწკარუეს.
• სიდნი ლუმეტი — კინოფილმეფიშ ინტერნეტ-მუნაჩემეფიშ ბაზას
• სიდნი ჟურნალი „ტაბულა“ ცაშხა, 14 პირელი, 2011
• არ­თი დვირალი ქომოლკოჩი გაზეთი 24 სათი 11.04.11