სოციოლოგია ტერმინი სოციოლოგია ზიტყვაკომპოზიტი რე დო აკმოდირთჷ ჟირი - ლათინური დო ბერძენული ზიტყვეფშდ ლათ. socius (ჯარალუა) ბერძ. logos (ზიტყვა, მენცარობა) - დო თინა პირველო გიმირინჷ სოციოლოგიაშ მუმათ აღიარაფილ ოგიუსტ კონტიქ. სოციოლოგია ირკუენს ადამიერული რინაშ ორგანიზაფაშ რზეფს. სოციოლოგეფი შხვადოშხვა ელმოლს სოციალური რინაშ დოგურაფაშ ღანკით ომენცარე ორკვიალე მეთოდეფს დო თეორიეფს გჷმირინუანა. თინეფი ოცადჷნა ქჷდიგურუან მუჭოღ ინტიმური ურთიართობეფი, თეშ ფირჩა გლობალური რშვილეფი დო ირფელი, ნამუთ თინეფს შწას რენ. სოციოლოგეფს დოინტერესაფილი რენა თი რზეფით, ნამუშით ადამიერეფი ართიანს მეთიარსხუაფჷნან. შხვა სოციალური მენცარობეფი თარო დითმიგურუანა სოციალური რინაშ ხვალე ართ სფეროს: ეკონომიკა დითმიგურუანს ბაზარეფიშ დინამიკას დო პროდუქტეფიშ ცირკულაციას; პოლიტიკური მენცარობა ტომბას დითმიგურუანს ოთარობე დო ხემანჭუაფაშ ურთიართობეფს; ანთროპოლოგია ეკოლოგიას დო კულტურულ მუშობურობეფს ირკუენს; ფსიქოლოგია გურაფულენს ბიოლოგიას, ადამიერულ გოვითარაფას დო ინდივიდუალურ მენტალურ მუშობურობეფს შქას ურთიართრსხუს. სოციოლოგია იკათუანს არძა ათე ასპექტის. სოციოლოგეფი არძაშე უმოსო დოინტერესაფილი რენა სოციალური რინაშ შხვადოშხვა ასპექტიშ ურთართქიმინჯალათ. სოციოლოგია ელაზჷმაფათ ახალი ომენცარე დისციპლინა რე, ნამუქჷთ გიჭყჷ მა-19 ოშწანურაშ დაჭყაფუს.

სოციალური რშვილიშ დიაგრამაშ სეგმენტი

სოციოლოგიაშ სტრუქტურარედაქტირაფა

რესურსეფი ინტერნეტისრედაქტირაფა


  ათე სტატია მერკე რე.
თქვა შეგილებუნა ქიმეხვარათ ვიკიპედიას დო გაგშათინათ დო გახვეიანათინ.