ჯორჯ გორდონ ბაირონი: გინორთი გინოჯინეფს შქას

დებადჷ გოღარიბაფილი დიდგვარამი არისტოკრატიშ ფანიას. გურაფულენდჷ ჰაროუშ არისტოკრატიულ წოფულას, [[კემბრიჯიშ უნივერსიტეტი|კემბრიჯიშ უნივერსიტეტის]]. ბაირონიშ ლერსეფიშ მაართა ნაკორობაქ "მოჩომილაფაშ საათეფი" 1807 წანას გჷშართჷ. [[სატირა|სატირას]] "ინგლისარი ბარდეფი დო შოტლანდარი მიმომხილველეფი" (1809) დაგმუ ინგლისიშ რომანტიკოსეფიშ რეაქციული ტენდენციეფი. 1811 გჷმაბჟინუ პოემა "ჩაილდ ჰაროლდიშ მეშარეობაშ" პირველი ჟირი ცქვაფა. თე პერიოდის ორხველჷ ბაირონიშ ხანკუნტა, მარა პროგრესიული ოპარლამენტე ღვაწაფა. 1812-1814 წანეფიშ ლირიკას რჩქინდუ ავტორიშ ჯოგინი ლონდონიშ არისტოკტატიული ქართეფიშ ჸურე; ინგლისიშ მაღალ ჯარალუაწკჷმა ორდოშე დოჭყაფილ კონფლიქტიქ 1815-1816 ფანიური დრამათ ხოლო გერთულჷ. ბაირონქ [[შვეიცარია|შვეიცარიაშა]] მიდართჷ, სოდეთ დემაჸალჷ წორომემამულე პოეტის [[პერსი ბიში შელი]]ს. 1817 წანაშე [[იტალია|იტალიაშა]] გინილჷ დო 1820-1821 უოშქარიეთ მონაწილენდჷ იტალიარ კათაშ ავსტრიალეფიშ პატჷნობაშ წინანდეგო. 1823 ნაციონალურ-გჷმადუდიშულაფარ ლჷმას მუშ თიაშ მიშაღალარო იშარჷ [[საბერძნეთი|საბერძნეთიშა]], სოდეთ მალას გლახათ გინირთჷ დო დოღურუ.

 

ბაირონიშ დიდი პოპულარობაქ "ჩაილდ ჰაროლდიშ" გჷმობჟინაფათ დიჭყჷ. პოემაშ გერგეზიქ, მენდწაულირ ახალმორდუ არისტოკრატიქ, მალას გინირთჷ სინანდულეშ წინანდეგო არყაფილი პიროვნებაშ სინონიმო. პოემას გიშმაძახანს პროტესტი რსაფილი სოციალური ნწყილობა ჸურე; [[საფრანგეთი]]შ განმანათლებლური იდეეფიშ ჟინჯირათ ბაირონ სოციალური მოუწესრიგებლობაშ დო ერუანული დარუაშ ბაძაძეფს ზნეობაშ დოლაფას დო ურჩქინჯობას გორუნს. პოემაშ თემატიკური, კომპოზ. (დღაურიშ ფორმა, ლირიკულ გინორთაფეფი), პოეტიკურ სიახალეფი ჯგირო ომანგჷდჷ თხზულებაშ რთულ წოროხანურ პრობლემატიკას.