მარგალეფი: გინორთი გინოჯინეფს შქას

1801 წანაშე მოჸუნაფილი, სუმი რუსი მაფაშ – [[პავლე I]] – იშ, [[ნიკოლოზ I]] – იშ დო [[ალექსანდრე II]] – აშ – დუდალაშ განძხანს გეუქვჷ ქორთულ ომაფეეფქ დო ოთარეეფქ; აქტიურო იტარებაფუაფუდჷ ქორთუ ერიშ რუსიფიკაციაშ პოლიტიკა. ასიმილაციაშ ართ–ართი დიდშანულამი ნორთის ქორთუეფიშ ნინეფიშ დუდიშალაშ აკორღვაფა–გეკოპილიტუა მუწმარინუანდჷ. თაშნე, XIX ოშწანურაშ მაჟირა გვერდის სამარგალოშ სკოლეფს დო ოხვამეეფს ქორთული ნინაშ მარგალურით ენოთირაფა დიჭყეს; რუსეფქ თაშნეშე დიჭყეს გოშხვანერაფილი ჭარალუაშ დო შრიფტიშ აკოდგინა მარგალური ნინაშო დო გჷშარჩქინელი შანულობაშ კულტურული ძეგლეფიშ, ნამუთიენ ბიბლია. ბოიკოტიშ შინო ბრელი ადამიერი ვაკათუდჷ [[მარგალური ნინა|მარგალური ნინაშა]] შერსულებულ ოხვამურ მოინალას დო ვართ მუნეფიშ სქუალეფს უტენდჷ ოჯარალუ სკოლეფშა. თე გეგმას პროტესტით შეხვადაუხვადჷ არისტოკრატიაქითარისტოკრატიაქჷთ. თე ძალიერი წინანდეგობაშ მოღალირო რუსეფქ უკახლეუკოხოლე კინიკინეს დო მუნეფიშ გეგმაშე ვარია თქვის.