მარგალეფი: გინორთი გინოჯინეფს შქას

''"მარგალეფი აკმადგინანა ქორთუეფიშ ჸას. შხვა ქორთუეფშე ბრელი მუთუნით ვეშხვანერებუნა. მარგალი იმერელს დო გურულს თიშნერ ძალიერას აგურუ, ნამდა ქართლელი დო კახელი თენეფს ართიან შქას ძნელას გჷშაგორჷნს. ხვალე ნინათ რენა ჭიჭეთ გიშაზოხაფილეფი, მარა თე ნინათ კვიდრი ჯიმა რე [[ქორთული ნინა|ქორთული ნინაშ]], თეშ გალე, დახე არძა მარგალს ჯგირო უჩქჷ ქორთული ჩიება დო ქორთული ნინა ძალამს უჸორა. თინეფს თენა საღორონთო ნინათ მიორჩქჷნა,რახან წირუა-ხვამა თელი სამარგალოს დუდშეშე ქორთული ნინაშა ირსულებუდჷ დო ასე ხოლო ირსულებუ ... გურგაჩამალიე, ნამდა ტომბა მარჩქენჯეფი ქორთულიშ ნინაშ მარგალეფს შქას უმოს ბრელი იში, ვინემ შხვა ქორთუეფს... მარგალეფს ირო უჸორდეს გურით ქორთული ლიტერატურა დო ბრელი მარგალქ გადიდარჷ თინა ტატალიგოსოფური თხზულებეფითაკნარსხეფით... ბოშკოჩანათ ხოლო მარგალეფი დახე არძა ქორთუს ორჯგინანს: კახეთშა ულა, თექ ოგვერდეთ ბაღიშ აკოხანდაფა, უჩა ზუღაშ პიჯის დუქანიშ გონჯამა ... დო შხვა ქიანაშ თეჯგუა საქვარი, მარგალს ეფო მიორჩქუდმიორჩქუდჷ. ძნელას იჸი თიშნერი ცოცმანდი, გურაფაშ მოკორინე, გუმაბედებელი დო გაღიერი კათა, მუნერით მარგალეფი რენან... დუდი დო დუდი ზნეობიერიზნებიერი ლახარა სამარგალოშ რე ხირუა შინური ორინჯიშ, არძაშ უმოსო ცხენიშ..." ''