აიონ-ოროსი: გინორთი გინოჯინეფს შქას

'''აიონ-ოროსი''' ([[ბერძენული ნინა|ბერძ.]] Hagiom Oros, ახალი ბერძენ. ajon Oros — წიმინდე გვალა), ვარა '''ათონი''' — [[ჩქონი]] ბჟაეიოლ [[საბერძნეთი|საბერძნეთის]], [[ქალკედონიშ ჩქონი]]შ ბჟაეიოლ გჷშაკინელი. მიშაჭკირილიე [[ეგეოსიშ ზუღა]]შა. სიგჷრძა 50 კმ, სიგანა 10 კმ. თიშ ობჟათე-ბჟაეიოლ ნორთის ერხინილიე გვალა [[ათონი]] (2033 მ). აიონ-ოროსი კრისტალური ტკილეფით ეგაფილი ჰორსტი რე. გოქუნილიე მაქვისით, ფიჭვიშ, ჭყონიშ დო წიფურიშ ტყალეფით. ჩქონიშ ჯვეში სახენწჷფო რდჷ [[აქტე]]. [[ჯვ. წ. 480]] საბერძნეთიშ მეხჷ გჷმოლაშქუაშახ [[ქსერქსე]]ს აქტეშ ჸალს გოუჭკირჷ თხორილი, ნამუშ ნოქურით ამდღარშახიე წჷმოსქილიდარი. VII—VIII ოშწანურეფს თაქ იჭყაფუ მეხვალახეეფიშ დო უკული ბერ-მალაზონეფიშ დოკვირდაფა დო ომონასტერე კიდანჯუა.

 

 

[[ბიზანტიაშ იმპერია|ბიზანტიაშ იმპერიაშ]] დონთხაფაშ ხანას, კერზოთ, [[თესალონიკე]]შ დონთხაფაშ უკული, (1430) აიონ-ოროსი [[ოსმალეფი|ოსმალეფქ]] ქჷდეკინეს დო ირწანური გჷნაგაფურიშ პიჯალათ მონასტერს დუდალაშ დო კულტიშ დუდიშალა ქჷმეჩეს. [[I საგებიო ლჷმა]]შ უკული, აიონ-ოროსი საბერძნეთიშ აკოდგინალუაშა (თესალონიკეშ ნომი) მიშელჷ. აიონ-ოროსიშ მონასტერეფშე უმაღალაში იურისდიქციაშ ნება [[კონსტანტინოპოლიშ მართლმადიდებელი ეკლესია|კონსტანტინოპოლიშ პატრიარქი]]შ ხეს რე, ოდო მონასტერეფც დუდენც თინეფიშჷნე 20 წჷმმარნაფალეფშე აკოდგინელი სხუნუ. ემაჸონაფალი ხეშუულობა ორხველჷ ალათირუათ გჷშაგორილ სხუნუშ 4 მაკათურც დო კათუაშ დუდმახვენჯის — პროტოსის, მიდგაშ ორენჯი რე [[კარიასი]] (X ოშწანურაშე).