ინგირი (ზუგდიდიშ მუნიციპალიტეტი): გინორთი გინოჯინეფს შქას

შინელი წყარეფიშ წორო ინგირს 2 [[ღალი]] ხოლო მეურს. ართის ჯოხო '''ჭელეთი''' დო ოფუტეს ოყაყალეშე [[თარგამული|თარგამულშა]] გინმოჭკირუნს, მაჟიაშ ჯოხო რე '''ლაგვილეფიშ ღალუ''', ოირემეს იჭყაფუ დო ითებუ (მარძგვანშე ენმურს ჩხოუშიაშა).

 

 

ინგირიშ ფლორა დო ფაუნა მოსპილი რე. კათაშ გჷნჷნაჩემით, 200 წანაშ წოხოლე თე აბანეფს ირემი, ტყარი ღეჯი, გერი, ტურა, მელა დო ყურდგელი ხედჷ, მარა ამდღა თენა კაკალი ვარე დოსქილადირი. კათაშ დოხორაფაშ უკული ინგირს ტყალეფქ დეგვერდჷ დო კომუნისტეფქ მუშ ნორთი აბანშე სოდგა შილებედჷნ, ირდიხას ჩაიშ პლანტაციეფი გაშენეს დო თეთ ფაუნას ეკონია ოხორუ მიდუღეს. ჩხოუშიას და კუჩხობონს მუშ ბორჯის ანთასნერი ჩხომი იჭოფუდუ, მარა ეკონია 50 წანას ჟირხოლო თიშნერი წიკვილი რე (ჩხოუშია ინგირიშ გიშულაშა ზუგიდიდც გიშმურც), ბრელი ჩხომიშ ბუნაქ ვარა გვალო მედინუ, ვარა აკაბურცხაქ დოსქჷდჷ. ლაგვილეფიშ ღალს 25 წანაშ წოხოლე ანაყუ კიბოია ხედჷ დო ასე თინა ხოლო ვახე, მუშ ბაძაძოთ '''ჩერნობილიშ ავარიაშ''' მუმაჸვენჯი რადიაციას წურაფულენა.