ისლამი: შხვანერობა გჷნოჯინეფს შქას

ვარე რედაქტირაფაშ რეზიუმე
ჭ.რ. (Bot: Migrating 195 interwiki links, now provided by Wikidata on d:q432 (translate me))
 
== არაბეფიშ რელიგია მა-6 ოშწანურას ==
[[არაბეფი]] ჯინჯიერო წჷმორთეფი რდეს. თინეფც ოართე რელიგია ვა აკმაშქვანდ: თითო ტომც მუში ოხვამერ-ჯაკონი ჸუნდჷ. მარა თინეფც უღუდეს ოართე ოხვამე [[მექა|მექას]] - [[ქააბა]]. ისლამურ გჷნოჩამაშ მეჯინათ [[ქააბა]] ეიოგჷ [[აბრაამი|იბრაჰიმქ]], ნამუშოთ თის ღორონთქ ცაშე უჯღონჷ [[უჩა ქუა]]. ოდო უკული არაბეფქ ქჷმიოტეს მონოთეიზმი (ჰანიფობა), ოდო ქააბაშ ოხვამეს ჯაკონეფც ქჯდუდვეს ბინა. არაბეფი [[მექა|მექაშა]] დჷნმიშეს ოხვამალო ისლამშახიანი პერიოდისჷთ. თაშ ნამდა ნამდგარდია [[არაბეფი|არაბი]], ნამუთ მიშუ მექაშან, თიშო ნაჩინებუ საგვარეულო ჯაკონსჷთ ძირაფულენდ. წჷმორთი [[არაბეფი|არაბეფც]] წანდეს შურეფიშ ანუ [[ჯინეფი|ჯინეფიშ]], ნამუეფუთნამუეფით ოხორანდეს [[თუთა (ალმაშარე)|თუთას]], [[ბჟა|ბჟას]], [[ჯა|ჯალეფც]], ინჭეფც, [[ქუა|ქუალეფც]]. ჯალეფი არაბული წჷმორთალას დიდი პატიჩამას იინალუანდეს – თინეფიშ მოკვათუაც~ დიდი ცოდათ იკოროცხუდჷ.
 
== მუჰამედი ==
 
[[მუჰამედი]] ([[არაბული ნინა|არაბ.]] محمد ''მუჰამმად'') რდჷ ადამიერი, ნამუქუთ ედომუშამო დოთირუ არაბი ტომეფიშ ტრადიციული რინა, ქჷმეჩუ თინეფც ახალი რელიგია, რინაშ წესი დო ღანკი. მუჰამედიქ დებადჷ [[570]] წანას [[მექა]]ს, თიში ფანია რდჷ ბანუ ყურაიშიშ ართ–ართი ნოელაშ, ბანუ ჰაშიმიშ წჷმმარინაფალი. მუჰამედიშ მუმაქ მუში დაბადებაშე ამშვი თუთაშ დუც დოღურუ, ორდო დოომბოლაფირი ბაღანას ბიძია – 'იმრანი (აბუ თალიბი) რდჷნდ. ართხანც მუჰამედი არქემეფიშ დო ორინჯიშ ჭყიშობას მეჸუნდ (თე საქვარუა ვართ ფერო პატიოჩამალო იკოროცხუდ არაბეფც). 40 წანერქ გინირთუნ, მუჰამედიქ მიღჷ მაართა გჷმოცხადება (გჷნოჩამათ თექ მოხვად 19 ვარა 21 რამადანიშ თუთას) ართღორონთამობაშ ქადაგებაქ დო უკოროცხუ ჯაკონეფიშ ვარაფაქ ქჷდიჭყ, ნამუეფუთნამუეფით არაბეფიშ ტომეფც ართიანშე მუთმაჩილითუანდეს. არაბეფც ართი ღორონთიშ ოკო ურწუმებუდესკო. თე ახალი რელიგიას ისლამი გეძუდ ჯოხოთ. მექარეფქ ვეჭოფეს თიში რელიგია, გაჷშაკერძაფილო თის აწმუდირთუდეს გოლინუამი მექარეფი აბუ ჯაჰლი (ურჩქენჯეფიშ მუმა), აბუ სუფიანი უკულნეშის ისლამი გეჭოფუ), მუჰამედიშ ბიძია აბუ ლაჰაბი (ალმოდვალირეფიშ მუმა), მუჰამედი რდჷ გეძიცეფიშ დო შეურაცხყოფაშ ობიექტი 12 წანაშ განწხანს დო თიქ აძულებურქ იჸუ შხვა ნოღაშა - მედინაშა უნტებუდუკონი. თექ თიში ბრელქ ირუმუ დო ბოლოს, მჯამცჷთ 630 წანს გომორძგვილი მუჰამედიქ მექაშა დირთუნ, მექარეფქჷთ ირწუმეს თიში. გვალო კუნტა ხანც მუჰამედიშ გოხ აკოკორობილი არაბობაქ ოხვამერიშ ართგური მორწუმეეფიშ სახენწჷფოქ ქჷდარსხუ – ([[ხალიფატი|ოხალიფე]]), ნამუქუთ მუსხირენი ვითური წანაშ უკული დიდი იმპერიათ გჷნირთ. მუჰამედიშ ღურაშ უკული არაბეფიშ სახენწჷფოს თიში გამაკათა - ხალიფეფი დუდენდეს.
 
დუდშენო არაბეფიშ მორჩილი ბუნა აღიარენდ ახალი რელიგიას, ოდო უკული ედომუშამი არაბეთიქ, მუჭოთ ბინადარი არაბეფქ, თეშ ტიოზის მახორუ [[ბედუინი|ბედუინეფქ]] აღიარეს თინა დო, ბოლოს, გვალო მალას, შხვა კათეფქჷთ (ირანალეფქ, თურქეფქ, ეგვიპტარეფქ, ინდოარეფქ, სლავეფიშ ნორთიქ...) ქირწუმეს.
30,812

რედაქტირება