ჰანიბალი: გინორთი გინოჯინეფს შქას

'''ჰანიბალი''', ბარკა (დ. [[ჯვ. წ. 247]] ვარა [[ჯვ. წ. 246]] — გ. [[ჯვ. წ. 183]]), [[კართაგენი|კართაგენიშ]] მანჯღვერთარი დო სახენწჷფო მოღალე, კართაგენიშ ჯარალუაშ ჟინოსქუალეფიშ გვარიშე. ჯგირი განათლება ქჷმიღჷ, უჩქჷდჷ 4 ნინა. [[ჯვ. წ. 218]] წჷმიჭყჷ [[მაჟირა პუნიკური ლჷმა|II პუნიკური ლჷმა]], არძაშე ულებერო გინილჷ [[ალპეფი]] დო გემშეჭკირჷ [[იტალია|იტალიაშა]]. მუდგაზმარენ გოსოფურ გომორძგუას ქიმიოჭირინდუ ([[ჯვ. წ. 218]] წყ. ტიცინოწკჷმა, [[ჯვ. წ. 217]] ტრაზიმენუსიშ ტობაწკჷმა, [[ჯვ. წ. 216]] კანწკჷმა), მარა რომალეფიშ აწორინაქ იშენით ვაგატახჷ. [[ჯვ. წ. 203]] ჰანიბალქ დირთჷ [[აფრიკა|აფრიკაშა]], [[ჯვ. წ. 202]] ზამაწკჷმა (აფრიკა) ლჷმას რომალეფქ დამარცხეს. [[ჯვ. წ. 201]] რომწკჷმა გედვალირი ხეკირილობათ ჰანიბალი კართაგენს დუდენდჷ. [[ჯვ. წ. 195]] ინტჷ [[სირია|სირიაშ]] მაფაშა, [[ანტიოქე III|ანტიოქე III-შა]] დო თიში ოურდუმე ალმაჩამალო გჷნირთჷ. ანტიოქე III-შ დამარცხებაშ უკული რომალეფქ მითხის ჰანიბალი, მარა თიქ ინტჷ დო დუდი ქიმკიფორუ არმენიას, უკული [[კრეტა|კრეტაშა]] გეგინორთჷ, თეჸურეშე - [[ბითინია|ბითინიაშა]]. რომალეფქ ბითინიარეფს ქუმოთხის რომიშ ოშქურანჯი ტერიშ ჰანიბალიშ გინოჩამა. ჰანიბალქ დუდი მიწამალუ. დასაფულებურიე ლიბისას (ბოსფორიშ ევროპაშ ოძგაშეს), ქუაშ [[სარკოფაგი|სარკოფაგის]], ნამუსჷთ გეჭარჷ: "თაქ ნთხორჷ ჰანიბალი".