ჯორჯ გორდონ ბაირონი: გინორთი გინოჯინეფს შქას

დებადჷ გოღარიბაფილი დიდგვარამი არისტოკრატიშ ფანიას. გურაფულენდჷ ჰაროუშ არისტოკრატიულ სკოლას, [[კემბრიჯიშ უნივერსიტეტი|კემბრიჯიშ უნივერსიტეტის]]. ბაირონიშ ლერსეფიშ მაართა კათელქ "მოჩომილაფაშ საათეფი" 1807 წანას გჷშართჷ. [[სატირა|სატირას]] "ინგლისარი ბარდეფი დო შოტლანდიარი მასხუნალეფი" (1809) გაგმოლანძღჷ ინგლისიშ რომანტიკოსეფიშ რეაქციული ტენდენციეფი. 1811 გჷმაბჟინუ პოემა "ჩაილდ ჰაროლდიშ შარალუაშ" მაართა ჟირი ცქვაფა. თე პერიოდის ორხველჷ ბაირონიშ ხანკუნტა, მარა პროგრესიული ოპარლამენტე ღვაწაფა. 1812-1814 წანეფიშ ლირიკას რჩქინდუ ავტორიშ ჯოგინი ლონდონიშ არისტოკტატიული წირეეფიშ მეხჷ; ინგლისიშ მაღალ ჯარალუაწკჷმა ორდოშე დოჭყაფილ კონფლიქტიქ 1815-1816 ფანიური დრამათ ხოლო აკიკვაჭჷ. ბაირონქ [[შვეიცარია|შვეიცარიაშა]] მიდართჷ, სოდეთ დემაჸალჷ პოეტის [[პერსი ბიში შელი]]ს, ნამუთ მუში ოდაბადეშე რდჷ თაშნეშე. 1817 წანაშე [[იტალია|იტალიაშა]] გინილჷ დო 1820-1821 უოშქარეთ ოხოლუდჷ იტალიარ კათაშ ლჷმას ავსტრიალეფიშ პატჷნალაშ მეხჷ. 1823 ნაციონალურერუანულ-გჷმადუდიშულაფარ ლჷმას მუშ თიაშ მიშაღალარო იშარჷ [[საბერძნეთი|საბერძნეთიშა]], სოდეთ მალას გლახათ გინირთჷ დო დოღურჷ.