ატმოსფერო: გინორთი გინოჯინეფს შქას

'''ატმოსფერო''' ({{lang-el|ατμός}} — [[ორქი]] დო {{lang-el2|σφαῖρα}} — [[სფერო]]) — აირჯგჷ დანცხი, ნამუთ ცაშ რსხილეფს მუკ-მუკი გოძჷ [[გრავიტაცია|გრავიტაციაშ]] გურშენგეშა. თიშენ, ნამდა ვარსებენს კვათირი ხურგა ატმოსფეროს დო პლანეტებშქასპლანეტეფშქას განს, ძაკო, ატმოსფეროთ მიშეკოროცხუ ცაშ რსხილეფიშ მუკ-მუკი არსებუან არე, სოდეთ აირამ აკანი ირთანს თინაწკჷმა ართო მუჭოთ ართიან თელი. კანკალე პლანეტაშ ატმოსფეროშ სიტომბა, ნამუთ მიშადირთუ ჯინჯიერო აირებშე, შილებე რდას ძალამ დიდი. ატმოსფეროშ მახასიათებელ დოჸუნელიე მეჩამილი ცაშ რსხილიშ ზჷმაშა, მასაშა, ტემპერატურაშა, რთაფაშ სიჩქარეშა დო ქიმიურ აკოდგინაშა. [[დიხაუჩაშ ატმოსფერო]] ჯინჯიერო [[აზოტი]]შე დო [[ჟანგბადი]]შე მიშადირთუ, [[იუპიტერი]]შ დო [[სატურნი]]შ ატმოსფეროეფ თარო [[წყარბადი|წყარბადის]] დო [[ჰელიუმი|ჰელიუმს]] მიშეკათუანა. ხოლო გინორთ უღუ [[დიხაუჩაშ ატმოსფერო]] ნოშქერორჟანგით დიმდარი [[მარსი (პლანეტა)|მარსი]]შ დო [[ვენერა (პლანეტა)|ვენერა]]შ ატმოსფეროებშე. ატმოსფერო აპალუ არძა მასამ რსხილს დიხაუჩაშ ტიპიშ პლანეტეფს დო აირამ გერგეზეფს. დაბალტემპერატურამ აიროვან გერგეზეფ - [[იუპიტერი]], [[სატურნი]], [[ურანი]] დო [[ნეპტუნი (პლანეტა)|ნეპტუნი]] ისქილიდუანა თარო დაბალ მოლეკულურ მასაშ აირეფს - [[წყარბადი|წყარბადის]] დო [[ჰელიუმი|ჰელიუმს]]. მაღალტემპერატურამ აირამ გერგეზეფს - მუჭომით რენა [[HD 209458 b]] ან [[51 Pegasi b]] მინი, თის ვესქილიდუანს დო თინეფიშ ატმოსფეროშ მოლეკულეფ აკანს იფაჩუ.