ატმოსფერო: გინორთი გინოჯინეფს შქას

[[ფაილი:Portrait of Jupiter from Cassini.jpg|მინი|პლანეტა იუპიტერი დო თიში ატმოსფერო]]

'''ატმოსფერო''' ({{lang-el|ατμός}} — [[ორქი]] დო {{lang-el2|σφαῖρα}} — [[სფერო]]) — აირჯგჷ დანცხი, ნამუთ ცალურ რსხულეფს მუკ-მუკი გოძჷ [[გრავიტაცია|გრავიტაციაშ]] გეშა. თიშენ, ნამდა ვარსებენს კვათირი ხურგა ატმოსფეროს დო პლანეტეფშქას განს, ძაკო, ატმოსფეროთ მიშეკოროცხუ ცალური რსხულეფიშ მუკ-მუკი არსებული არე, სოდეთ აირამი აკანი ირთანს თინაწკჷმა ართო მუჭოთ ართიანი თელი. კანკალე პლანეტაშ ატმოსფეროშ სიტომბა, ნამუთ მიშადირთუ ჯინჯიერო აირეფშე, შილებე რდას ძალამი დიდი. ატმოსფეროშ მახასიათაფალი დოჸუნელიე მეჩამილი ცალური რსხულიშ ზჷმაშა, მასაშა, ტემპერატურაშა, რთაფაშ სიჩქარეშა დო ქიმიურ აკოდგინაშა. [[დიხაუჩაშ ატმოსფერო]] ჯინჯიერო [[აზოტი]]შე დო [[ჟანგბადი]]შე აკმოდირთუ, [[იუპიტერი]]შ დო [[სატურნი]]შ ატმოსფეროეფი თარო [[წყარბადი|წყარბადის]] დო [[ჰელიუმი|ჰელიუმს]] იკათუანა. ხოლო გინორთი უღჷ [[დიხაუჩაშ ატმოსფერო]] ნოშქერორჟანგით დიდარი [[მარსი (პლანეტა)|მარსი]]შ დო [[ვენერა (პლანეტა)|ვენერა]]შ ატმოსფეროეფშე. ატმოსფერო აპალუ არძა მასამ რსხულს, დიხაუჩაშ ტიპიშ პლანეტეფს დო აირამ გერგეზეფს. დაბალტემპერატურამი აირუანი გერგეზეფი — [[იუპიტერი]], [[სატურნი]], [[ურანი]] დო [[ნეპტუნი (პლანეტა)|ნეპტუნი]] ისქილიდუანა თარო დაბალ მოლეკულურ მასაშ აირეფს — [[წყარბადი|წყარბადის]] დო [[ჰელიუმი|ჰელიუმს]]. მაღალტემპერატურამ აირამ გერგეზეფს — მუჭომით რენა [[HD 209458 b]] ან [[51 Pegasi b]] მინი, თის ვესქილიდუანს დო თინეფიშ ატმოსფეროშ მოლეკულეფი აკანს იფაჩუ.