იოჰან სებასტიან ბახი: გინორთი გინოჯინეფს შქას

|შხვადოშხვა =

}}

 

== ბიოგრაფია ==

[[ფაილი:Young Bach2.jpg|thumb|left|ახალნორდი ბახიშ სავარაუდე პორტრეტი]]

არნშტადტიშ უკული, ბახი კუნტა ხანს ხანდენდჷ მიულჰაუზენს, სოდე [[1708]] წანას აკოქიმინჷ "გიშაგორუეფიშ კანტატა" (აკა ნაწამები, ნამუთ მუნიციპალიტეტიქ გიშაშქჷ თიშ თელარაშ ბორჯისჷნ). თიმ წანას, ბახიქ კინ ვაიმარშა დირთჷ ჰერცოგ ვილჰელმ ერნესტიშ კარშა. თექ თის უმოს შელებუამობაქ ქიმიაჩჷ ტომბას გუჩინებაფუდუკო ევროპული ქიანეფიშ მუსიკალურ კულტურა, თინეფიშ მეჭირინუეფს დო სიახალეს. ბახშა უდიდაში გოლინა იღვენუ იტალიურ ინსტრუმენტულ მუსიკაქ, გიშაკერძაფილო თიშ მაბარჩხალე საკონცერტო სტილქ ( [[ანტონიო ვივალდი|ანტონიო ა. ვივალდიშ]] დო [[არქანჯელო კორელი|არქანჯელო კორელიშ]] ნახანდიქ). იტალიური მუსიკაშ თემეფი ბახიქ [[კლავესინი|კლავესინშა]] დო ორღანშა გეგნიღ დო თინეფს ახალ ინტერპრეტაცია ქიმეჩჷ. ვაიმარს აკოქიმინჷ უკვე ბახიშული გენიათ ებეშტელი სრულჸოფილი ნაწარმეეფი: ტოკატა დო ფუგა რე-მინორი ([[1709]]), პრელუდია დო ფუგა რე-მაჟორი ([[1709]]), საერო კანტატა "მაშვიდენს ხვალე სახიოლო მაჯინობა" ([[1716]]) დო მიარე შხვა. [[1717]] წანას, ბახიქ ვაიმარშე კეთენშა გეგნორთჷ, სოდე დუდენდჷ მორჩილ კამერულ ორკესტრის დო მიოგანდჷ კლავესინს. თე პერიოდის, ბახი თარო ინსტრუმენტული მუსიკაშ ჟანრს საქვარენდჷ. კეთენს აკოქიმინჷ "ჯგირო ტემპერირებული კლავირიშ" I ტომი ([[1722]]), ამშვი "ინგლისური" ([[1720]]-[[1722]]) დო ამშვი "ფრანგული სიუტა", ჟირ- დო სუმხონარამი ინვენციეფი ([[1720]]), ამშვი "ბრანდენბურგული კონცერტი" ([[1719]]), ამშვი სონატა ვიოლინოშო ([[1720]]). [[1723]]-შე გეგნორთჷ ლაიფციგშა წიმინდე თომაშ ოხვამეშ დო კინე თე ოხვამეშ სკოლაშ კანტორო (ოხვამეშ მაღურჭულე, საოხვამე მუსიკაშ მარწაფალი). ბახიქ ლაიფციგის მუშ თელარაშ ბოლო დღალეფშა დოსქიდჷ.