რუალ ამუნდსენი: გინორთი გინოჯინეფს შქას

ამუნდსენქ დებადჷ ვერვენიშ ნოშეკაგაფუშ მაღვენჯი კაპიტანიშ ფანიას. [[1890]]-[[1892]] წანეფს, გურაფულენდჷ ნოღა კრისტიანიშ უნივერსიტეტიშ სამედიცინო ფაკულტეტის. მაართათ მუკორთჷ ([[1903]]-[[1906]] წწ) ხომალდითხვამარდით „იოა“ ამერიკაშ ოორუე წყარპიჯი [[გრენლანდია|გრენლანდიაშე]] [[ალიასკა]]შახ (ოორუე-ბჟადალი გიშალით) დო გიმირკუ [[კანადა|კანადაშ]] არქტიკული არქიპელაგიშ მუსხირენ კოკი. ჩატარჷ ანტარქტიკული ექსპედიცია (ხომალდითხვამარდით „ფრამი“), მართაქ მიოჭირინუ [[ობჟათე პოლუსი|ობჟათე პოლუსის]] [[1911]] წანაშ [[14 ქირსეთუთა]]ს (ართი თუთათ უწორუ ინგლისარ [[რობერტ სკოტი]]ს). [[1918]]-[[1920]] წანეფს, ხომალდხვამარდ „მოდით“ მუკორთჷ [[ევრაზია|ევრაზიაშ]] ოორუე წყარპიჯი ბჟადალშე ბჟაეიოლიშჸურე. 1926 წანას, გჷნახორციელჷ მაართა ტრანსარქტიკული გჷნოფურინუა დირიჟაბლით „ნორგე“ — მარშრუტით: შპიცბერგენი — ოორუე პოლუსი — ალიასკა. [[1928]] წანას ჰიდროფურინჯი „ლატამით“ მიდართჷ [[უმბერტო ნობილე]]შ იტალიური ექსპედიციაშ ოგორშა დო ეკიპაჟწკჷმა ართო [[ბარენციშ ზუღა]]ს დოღურჷ. ამუნდსენიშ პატიოცემელო, თიშ ჯოხო გაიდჷ ზუღას, გვალას დო [[ააშ]]-შ ომენცარე დგჷმილს (ამუნდსენ-სკოტი) [[ანტარქტიდა]]ს, თაშნეშე [[ჸუჯი (გეოგრაფია)|ჸუჯის]] დო ფაქვილს ოორუე ჸინუამ ოკიანეს.