ჰარი პოტერი დო გვერდზისხირამი მაფასქირი (ფილმი): გინორთი გინოჯინეფს შქას

ფილმი თარო გინორთი უღუ წინგიშე. წინგი იჭყაფუ მაგლეფიშ (ინგლისიშ) პრემიერ-მინისტრწკჷმა მაგიაშ მინისტრიშ ვიზიტით, ფილმი - კაფეშ სცენეფით, სოვრეშეთსოჸურეშეთ ჰარი ძირუნს ალბუს დამბლდორს. რეჟისორი დევიდ იეიტსი დო თიში ბუნა ნირზენდეს წინგიშ მიშალუშ გეშა. იეიტსი ფირქენდჷ, ნამდა ხინჯიშ აკორღვაფაშ სცენეფიშ ბონური ძირაფა, ვინდარო ათე ფაქტიშ გეშა მინისტრიწკჷმა ჩიება, უმოსო ეფექტიანი იჸიდჷ. თეში, მუჭოთ ფილმიშ [[ჰარი პოტერი დო დაჩხირამი ნარგისი (ფილმი)|ჰარი პოტერი დო დაჩხირამი ნარგისი]] მოხვალამას, დერსლეფიშ ფანიაშ სცენეფქ ეშაღალირქ იყუ. ტომ რედლიშ რინაშ დეტალეფიშ ნორთიქ ხოლო ეშაღალირქ იყუ. გეძინელი სცენა უისლეფიშ ჸუდეს მეძინელი რე ფილმიშ დჷმარსხუაფალეფიშ ინიციატივათ, ფრენჩაიზიშ ტონიშ ასქილადაშ ღანკით. ლჷმაშ სცენა ჰოგვორტსის დოკუნტარაფილქ იჸუ, თიშენ ნამდა პროდიუსერეფიშ არზით, თინა მაწყინაფალი იჸიდ - მაშკვითა წინგის ეჭარილი ლჷმაშ გეშა.