ლიბიაშ ტიოზი: გინორთი გინოჯინეფს შქას

'''ლიბიაშ ტიოზი''' ([[არაბული ნინა|არაბ]]. الصحراء الليبية) იდვალუაფუ [[ოორუე აფრიკა|ოოუე აფრიკას]], [[საჰარაშ ტიოზი]]შ ოორუე-ბჟაეიოლჸურე. ფორჷნს [[ეგვიპტე|ეგვიპტეშ]] ტერიტორიას [[ნილოსი]]შ ბჟადალჸურე, ბჟაეიოლ [[ლიბია]]ს დო ოორუე-ბჟადალ [[სუდანი|სუდანს]] [[ნუბიაშ ტიოზი|ნუბიაშ ტიოზიწკჷმა]] ართო. ლიბიაშ ტიოზიშ ფართობი აკმადგინანს 1 100 000 კმ²-ის, ბჟაეიოლჸურეშე ბჟადალყურე გინოზინდილი რე 1100 კმ-ის, ოორუეჸურეშე ობჟათეჸურე 1 000 კმ-ის, უღჷ დოხოლაფირო თინკუნთხუამი ფორმა. ტიოზიშ ჟიდოხი დოფორილი რე ქვიშათ დო კირქუალეფით, მუთ ჩე აკოფერილობას არზენს, თეშენ შხირას თის „ჩე ტიოზის“ უძახჷნა.