პლაჟი

პლაჟი (ფრანგ. plage – ზუღაშ ელართელი წყარპიჯი) — ზუღაშ წყარპიჯიშ ღოზი, ნამუთ აკოგაფილი რე გვართაგამაშ ნაკადიშ ქიმინჯალაშ ზონას შაყარილი გიმნაღელი მასალათ. გიშმართჷნა კენჭამ, ხრეშამ, ქვიშამ, ალიშკიბირამ პლაჟეფს.

უსქვამაში ზუღაშ ქვიშამი პლაჟი (ინგლისი)

პლაჟი წჷმარინუანს გვართაგამაშე წყარპიჯიშ თხილუაშ ორთაშობურ საშუალებას. მორფოლოგიურო გიშმაგორჷნა რსული დო ვარსული პროფილიშ პლაჟეფს. მაართას ელართელი ზვენილიშ ფორმა უღუ, მაჟირა წჷმარინუანს ზუღაშურე ელართელ გიმნაღელიშ ნოშაყარუს, ნამუშ პუხუ წყარპიჯიშ ბექის გეპონუ. გვართაგამაშ ბონი დო უკუმალობაშ სიჩქარეეფიშ გინორთაშ გეშა პლაჟის მუთმოხვადუ გიმნაღელი მასალაშ დოხარისხაფაა სიდიდაშ დო სისკენჩერაშ მეჯინათ.

გორკვიაფილ ხეონწყუე პიჯალეფს პლაჟის წჷმიქიმინუ ორგებელი დინოხურიშიშ ქვიშორული საბადოეფი. სოლარიუმეფიშ დო აერარიუმეფით მონწყილ პლაჟეფს გჷმირინუანა მკურნალობაშო.

ფართო გაგებათ, პლაჟი აკმიქიმინუ ვახვალე ზუღას, თაშნეშე ტობას, წყაწოჩუაშეს დო შხვ. წყარპიჯიშ ღოზეფი პლაჟიშ სახეთ მოსოფელიშ მიარე ქიანასი რე წჷმორინელი. მ.შ. გოსოფური საირქიანო ოზუღე კურორტეფი წყარპიჯი ფართო დო ინწრო პლაჟიშ სახეთ უღუ საქორთუოშ ოზურე ნოღეფს ხოლო, ნამუეფით ათვისაფილი რე რეკრეაციული ღანკეფშო.

რესურსეფი ინტერნეტის

• პლაჟი – ენციკლოპედია ბრიტანიკა (ინგლისური)
• პლაჟი – დიდი სახუნუეფიშ ენციკლოპედია

(რუსული)

ლიტერატურა

• ქორთული სხუნუეფიშ ენციკლოპედია, ტ. 8, ხს. 99-100, ქართი, 1984 წანა.
• Ricci Lucchi F., Sedimentologia. Parte 3, cap. 6, pp. 183-214, Bologna, CLUEB, 1980.