სასუმარო გრანდ ბუდაპეშტი: გინორთი გინოჯინეფს შქას

დინორექ დილასჷ დინორექ ქეგიაძონუ
Nikaberishvili (სხუნუა | ნახანდი)
ახალი გვერდი: {{ინფოდაფა კინოფილმი | ჯოხო = სასთუმარო გრანდ ბუდაპეშტი | სურა...
(გინორთი ვა რე)

21:05, 29 ეკენია 2016-იშ ვერსია

სასთუმარო გრანდ ბუდაპეშტი — 2014 წანას გიშულირი კომედიური ჟანრიშ ფილმი, ნამუშ რეჟისორი რე უეს ანდერსონი. სცენარს ანდერსონი მუშენდჷ ჰიუგო გინესწკჷმა ართო, ფილმიშ სცენარიშ იდეა თინეფქ შტეფან ცვაიგიშ რომანიშე ეჭოფესჷ.

სასთუმარო გრანდ ბუდაპეშტი
რეჟისორი:

უეს ანდერსონი

პროდიუსერი:

უეს ანდერსონი
ჯერემი დოუსონი
სტივენ რეილსი
სკოტ რუდინი

სცენარიშ ავტორი:

უეს ანდერსონი
ჰიუგო გინესი

თარ როლეფს:

რეიფ ფაინზი
ტონი რევოლორი
ედვარდ ნორტონი
საოირ რონანი
ჯუდ ლოუ
მეთიუ ამალრიკი
ვილიამ დეფო

მუსიკა:

ალექსანდრე დესპლატი

გჷშულაშ თარიღი:

ბერლინი: ფურთუთა 6, 2014 (2014-02-06)

ხანგჷნძარალა:

100 წნ

ქიანა

ააშ, გერმანია, გოართიანაფილი ომაფე

ნინა:

ინგლისური

მუშნალი:

$ 174.8 მლნ

ფილმის, რეიფ ფაინზი მუშ ალმახანდეწკჷმა (ტონი რევოლორი) ართო ოცად დანმტკიცას მუშ უბრალებურობა, თიშენ ნამდა თინა ოთაკილუნა მაჸვილარო.

ფილმიშ გინოღალაშო ფინანსეფიშ გოჩამა გერმანულ კინოკომპანიეფქ იდუდესჷ. თის გიშულაშე ხათეშე კრიტიკოსეფიშ ჯგირი ფასებაქ მაჸუნჷ დო დიდი მოწონა დეინალჷ. ფილმეფიშ BATFA დოჯილდოაბაშ კონკურსის ფილმიქ 11 ნომინაცია (წანაშ საუჯგუშო ფილმი, საუჯგუშო რეჟისურა, საუჯგუშო არტისტიი ქომოლკოჩი) დეინალჷ, მუთით თიქ შხვა მაკათური ფილმეფი დაორუ.

ფილმიქ მიღჷ ორქოშ გლობუსიშ ჯილდო ნომინაციას — საუჯგუშო ფილმი კომედიას ვარდა მუსიკაშ ჟანრის. ხოლო წჷმორინელი რდჷ ოსკარეფიშ დოჯილდაფაშ ცერემონიალს 9 ნომინაციას (თინეფ შქას: საუჯგუშო ფილმი, საუჯგუშო რეჟისურა). ფილმიქ დეინალჷ ოსკარიშ 4 ჯილდო — ბარგიშ დიზაინი, მაკიაჟი, პროდუქციაშ დიზაინი, მუსიკა.

სიუჟეტი

პროლოგი (დაჭყაფური)

სასაფლას რჩქინდუ ახალი ძღაბი, ნამუთ ჭარუშ მონუმენტიშ ოწოხოლე გერე. თინა იჭყანსჷ ართართი დუდიშ კითხირს წინგიშე. უკული, ავტორი იჭყანს ამბეშ მოჸუნას ნამუქთ თის აღოლჷ 1968 წანას სასთუმარო გრანდ ბუდაპეშტიშ სთუმარობას. სასთუმარო იდვალუაფჷ ზუბროვკიშ რესპუბლიკას (გუმოგონილი აკანი ცენტრალურ ევროპას), ნამუთ ჩოლირი რე ლჷმაშ დო უღვენობაშ გეშა. ახალი ჭარუ მიოგორუანს, ნამდა შორიშ გვალეფს დვალირი სასთუმარო, ართ ბორჯის რწკინუნდჷ, ასე კრიზისული პერიოდი უღუ დო სთუმარით ჭიჭე ჸუნს. ავტორი შეხვადუ სასთუმაროშ ხანშა მიშულირ მინჯეს ზერო მუსტაფას, ნამუთ თის ოსერეშა დაპეჯენსჷ. მუსტაფა უწინსჷ მუჭო გინირთჷ სასთუმაროშ მინჯეთ დო მუშენ ვაკო თიშ კილუა.

ნორთი 1 - მუსიე გუსტავი

ამბე იჭყაფჷ 1932 წანას, სასთუმაროშ ჟიობუაშ პერიოდის. ზეროს შვეიცარიშ საღალე უკინებ. თინაქ გვალო ჭიჭე ხანიშ წოხოლე მორთჷ ზუბროვკას, თიშ უკულ მუთ თიშ ნოღაქ აკირღჷ. ზერო დემაჸალებჷ აგათას, ნამუთ კვაჭი დო პროფესიონალი გაგესქუა რე. ზუბროვკა ლჷაშ პის რე, მარა საქვარს ჩერთებჷ მუსიე გუსტავ ეიჩი, ნამუთ აპონობაშ დიდორსანტი დო გრანდ ბუდაპეშტიშ შურ დო გური მოინალე რე. სასთუმაროშ მინჯეშ მინუობა უჩინებუ რე, თინა ხვალე უდუღორებუ შეტყვინაფას პასუხენს. თიშ მეტ ნამდა, გუსტავ ეიჩი მოინალეეფს მაჯღვერანს, თის ხოლო ობარ სასთუმაროშ „გილაკერზაფილი მოინალობაშ“ მოხვარა. თინა დიმდარ დედიბებწკჷმა ართო ირთუანდ დუდს. აკა მადამ დი, ნამუთ სასთუმაროშე შარობუაშ წოხოლენ სერს გუსტავწკჷმა ართო რე.

ნორთი 2 - მადამ C.V.D.u.T.

ართ თუთაშ უკულ, გუსტავი გეგენს მადამ დიშ ღურაშ ამბეს. თინა ზეროწკჷმა ართო მეურს. მადამ დი-შ ნდობათ ეჭურული პიჯი დო ადვოკატი კოვაქსი დუნაჩინას კითხულენს, ნამუშე გიშურს ნამდა გუსტავს ხვად გვალიან ზანდური ნახანტა „ბოში უშქურით“. ფანიაშ მაკათურეფი ოძღვირინანა. ართართი სქუა, დიმიტრი, დიდაშ ღურას გუსტავს ეკაწამენსჷ. გუსტავი ზეროწკჷმა ართო იხირსჷ ნახანტას დო ირთუ გრანდ ბუდაპეშტიშა, სოდეთ თის სეიფის იჩუანსჷ. გუსტავი ზეროშ დეპირებჷ, ნამდა თიშ მონძე იჸი. ათავრეშე ჭიჭე ხანიშ უკულ, გუსტავს ეკაწამენა მადამ დიშ ჸვილუა, თის დახუნუანა სერჟ იქსიშ დანძალებათ ძირაფაშ გილანწყუმაშ უკულ.

ნორთი 3 - ოკონტროლე პუნქტი 19 პატიმარეფიშ კარე

ოხვილუშ რინაშ პერიოდის, გუსტავს ოშქურანჯ დჷმაშებელეფწკჷმა აკართჷ, მარა მუდგარენ ბორჯიშ უკულ თინეფიშ პატიცემა დეინალჷ. გუსტავი ურაგადჷ ზეროს ნამდა მადამ დიშ ჸვილუაშ სერს თინა ვარდჷ თინაწკჷმა, მარა ვამტკიცებე. ზეროს მიარზიენს ნამდა ინტას ოხვილუშე, თიშ მოხვარათ ნამდა თინა ფულირო მიოჭირინუანს სამუშა ანჯარეფს, ნამუსჷთ ზეროშ მაჸალე აგათა ცხურას ინოდვანსჷ. დჷმაშებელეფიშ ბუნაწკჷმა ართო რამუსჷთ ლუდვიგით ოხოლ, თინეფ იჭყანა ბეტონიშ გონთხორუას. თინეფ ახერხენა ნტებას, მარა ყარულეფწკჷმა ბურსუას ღურუ ართართი თინეფშე, ლუდვიგი გუმეთხიებჷ გუსტავს დო ზეროს დო მუშ ბუნაწკჷმა ართო ავტობუსით ახერხენა ნტებას. გუსტავი ზეროწკჷმა ართო ოცადუ მუშ უბრალობაშ ნტკიცებას.

ნორთი 4 - ჯვარული კილაშ კათა

გუსტავს დო ზეროს მეთხოზ რგილზისხირამი მაჸვილუ ჯეი-ჯი ჯოპლინგი, ნამუთ დიმიტრიშ ინტერესეფს თხილანს. ჭიჭე ხანიშ წოხოლე თიქ ადვოკატი კოვაქსი დოჸვილჷ დო მარძგვან ხეს კითეფი მოკვათჷ, კოვაქსიქ დიმიტრიწკჷმა ალმახანდობა ივარუ. გუსტავი ურეკჷნს მუსიე ივანს, ჯვარული კილაშ კათაშ ართ-ართ მაკათურს, ნამუთ კათაშ შხვა მაკათურეფს ერსხუებ, დო თინეფ ართო ახერხენა გუსტავიშ მოხვარას. გუსტავი დო ზერო მეულა გვალაშ პიჯიშ მონასტერშა, სოდეთ ხვადუნა სერჟის, აკა ადამიერს, ნამუსჷთ შეულებ გუსტავიშ უბრალობა დანმტკიცას, მარა სერჟის ჯეი-ჯი ჯოპლინგი ყვილუნს თეიშა, სოიშა თინა ოფულარ ინფორმაციას გოთქუანს. ზერო დო გუსტავი იხირა ჯამბურიას დო მეთხოზნა ჯოპლინგის, ნამუთ ჯამბურიეფით მისინტ. თხოზინიშ ბოლოს, ზერო კირდეშ პის მიკობუნაფილ გუსტავს გინასქილიდუანს, ჯოპლინგის ხეს გეჸურაუანს, თინა გერსამიას ქინოლჷ.

ნორთი 5 - მაჟირა დუნაჩინაშ მაჟირა ამნახანტი

გრანდ ბუდაპეშტის სიტუაცია უძგალაშო გერსხიპინაფილი რე. სასთუმაროს ჯარიშკოჩეფი აკონტროლენა დო თიშ კაზარმათ გინოკეთება ოკონა. გურგოტახილი გუსტავი იფუჩუანს ნამდა მეტშა ანწ ვემიოტენს მიატოვებს სასთუმაროს. ზეორს დო გუსტავს აგათა აკათუ, თინა ყარულეფს ნახანტიშ თხილუას ოცად, მარა ათე ბორჯის რჩქინდუ დიმიტრი, ნამუთ ოხვილუანს აგათას. წჭყაფუ საართო ჸოთამა ართიანიშ ჸურე. ზერო დო აგათა ნახანტით ხეს ერია-მორიაშე დუს გიშეღანა. საბოლათ გუსტავიშ უბრალობა ინტკიცებჷ, მუჟამსჷთ მადამ დიშ მაჟირა ოშინუშ ამნახატის მიოგორუანა, ნამჷთ თიშ მერეხუაშა სერჟიქ ქოღოლჷ, უკულ სურათიშ უკახალე დატყობინუ. ათე ოშინუ ნძალას მიშეშჷ ხვალე მადამ დიშ ნძალებური ღურაშ მოხვალამას. ოშინუშ განჩინებათ ირკვიებჷ ნამდა გრანდ ბუტაპეშტიშ მინჯე წორას მადამ დი რდჷ. თიქ მუშ ღვანაშ უმენტაში ნორთი გუსტავს დუტუ, ნახანტიშ დო სასთუმაროშ სახეთ. გუსტავი სასთუმაროშ ოდუდალეს გერდჷ, თეიშა სოიშა თინა ზეროქ ვათირუნ. ზეროქ დო აგათაქ დეგურგინეს.

ეპილოგი (ოთებუ)

ლჷმაშ უკულ, ქიანა შხვა სახენმწიფოქ მირსხჷ. მახინწალით შარობუას, ხურგაწკჷმა ხოლოს, ოურდუმეეფი გუსტავიშ დო ზეროშ საბუთეფს ამორსენა. გუსტავი დო ზერო აწუდირთუნა, ართართ ჯარიშკოჩის ოკო ზეროშ დოხუნაფა, თიშენ ნამჷდა თის იმიგრანტიშ სტატუსი უღუ. ათავრეშე ჭიჭე ხანშა აგათა დო თიშ წყარბაღანა სქუა ჩხე-ჩხურუთ დოღურეს. ზეროქ გუსტავიშ მონძექ იყუ, თიქ დიფუჩუ ნამდა ბოლომშა გრანდ ბუდაპეშტიშ შურ დო გური იჸიდ. უკულიანი რევოლუციაშ უკულ ზუბროვკაქ გეღარიბებჷ. ზეროშ გინოგაფურეფ მუძინეს, თიქ სასთუმარო ნორთობულო თარობას დაუთმჷ, კილუაშე გინუსქილუაფუდესკონ.

უკახალე 1968 წანას, ნახანტი, ნამუშოთ ზერო დო გუსტავი იბურსუნან, ახლა სასთუმაროშ კიდალას მიკობ, გილართელ დო გოჭოლადირი. მუსტაფა ჰოიას იჩიებ, ნამდა ნანდული სამანჯელი, მუშ გურშენ ტის ვადატებე სასთუმარონ, რე "თი ოქიანუ", ნამუსჷთ თინა, გუსტავი დო აგათა ოხორანდეს, ათე ეკონია ღოზი რე, ნამუთჷთ ჯვეშ გუნაშინას ერსხუებჷ, საუჯგუშოშ თიშ რინას. თინა ფირქენს, ნამდა გუსტავიშ ოქიანუ დიდი ხანიშ წოხოლე აკირღჷ დო სასთუმაროშ მუშ ჯვეშ დიდებაშ ხვალე ოროქ ასქიდჷ. ავტორი მეურს ობჟათე ამერიკაშა დო დღას ვედირთუ სასთუმაროშა.

1985-ს, ავტორი ათენს ამბეშ მოჸუნას მუშ მოთაშ ოწოხოლე.

ასეიან ბორჯის, ავტორიშ სკულპტურაშ წოხოლე გემარენჯი ახლი ძღაბი ათენს წინგიშ კითხირს.

ეკრანშა გუმულა

2013 წანაშ 13 გჷმათუთას ჩინებულქ იჸუ, ნამდა ფილმი 2014 წანაშ 7 მელახის გიშეშჷ. 2014 წანაშ ფურთუტას, ბერლინიშ ოერეფოშქაშე ფილმეფიშ ფესტივალი წორო ათე ფილმით გინწყჷ, სოდეთ თინა ჟიურქ გრანპრით - ვარჩხილიშ თუნთით დეჯილდოვჷ.

როლეფს

რესურსეფი ინტერნეტის