ქორთული მითოლოგია: გინორთი გინოჯინეფს შქას

'''ქორთული მითოლოგია''' — ჯვეში ქორთული [[მითეფი]]შ დო ისტორიეფიშ ნაკორობა, ნამუეფით ჯვეშ ქორთულ ღორონთეფს -ღორონთიშსქუალეფს დო გერგეზეფს, ხოლო ოქიანუშ მონწყუალას ოხუ. ასეიანი მარკვიებერეფი ათე მითეფს გიმირინუანა ჯვეში საქორთუოშ რელიგიური დო პოლიტიკური ინსტიტუტეფიშ მიშაგურაფალო, ხოლო ათე მითეფიშ დორსხუაფაშ ორთაშ გუმარკვიებელო. ქორთული მითოლოგია უმოსო წჷმორინელი რე ჟიპიჯური ფორმათ დო თიში მენცარული დოკუმენტირება გვარიანიგვარიან გვიანიგვიანო დიჭყჷ ([[XIX]]-[[XX]] უკუნი), მორო შხვადოშხვა წყუეფით შესალებერი რე გორკვიებული დოკუმენტური მოღეშ მოგორაფა, მუთ საშუალებას გვარზენს უმოსო ტომბას ბძირათ ქორთული მითოლოგიური ოქიანუ თიში სპეციფიური დო კარაკანო ინდივიდუალური სახეთ. ქორთულ მითეფს ენწყუმილი რე ოქიანუშ ობუმე დო შხვადოშხვა [[ღორონთეფი]]შ, [[დიაღორონთეფი]]შ, [[გერგეზეფი]]შ ვარდა [[მითიური ქიმინელეფი]]შ რინაშ დო დუდსგინულეფიშდუდსგინნაველეფიშ დეტალეფი. ათე ამბეფი დუდშე ჟიპიჯურო ისიმუაფუდჷ ჟიპიჯურ-პოეტური ტრადიციათ, მორო ათეჟამო ქორთული მითეფი ჯინჯიერო ქორთული არაკეფიშე ვარდა შხვა ლიტერატურაშე რე ჩინებული.