გიბრალტარი: გინორთი გინოჯინეფს შქას

'''გიბრალტარი''' — [[გოართოიანაფილი ომაფე|ბრიტანეთიშ]] ზუღაშმელენი ტერიტორია. იდვალუაფუ [[იბერიაშ ჩქონი]]შ ობჟათეშე, [[გიბრალტარიშ საროტი|გიბრალტარიშ საროტწკჷმა]], ნამუთ [[ატლანტიშ ოკიანე]]ს [[სქირონაშქა ზუღა]]წკჷმა მიორსხუანს. ტერიტორიას ოორუეშე უხურგანს [[ესპანეთი]]. ისტორიულო შანულამი ოურდუმე ბაზა რდჷ ბრიტანალეფშოს დო თეხანო ხოლო ბრიტანეტიშბრიტანეთიშ ოურდუმე ნძალეფიშ ბაზა რე თაქ.

ტერიტორიაშ ჯოხო მოურს [[არაბული ნინა|არაბულშე]] "ჯაბალ ატ-თარიქ (جبل الطارق), შანენს "თარიქიშ გვალას". ჯოხო არსხუაფუ [[უმაიადიშ სახალიფო|უმაიადეფიშ]] გენერალ თარიქ იბნ-ზიადის, ნამუთ წჷმი უნჯღვერდჷანჯღვერდჷ მავრიტანალეფიშ მიშაბუსუას იბერიაშა [[711]] წანას. უმოსი კინოხ თე აბანი ჩინებული რდჷ, მუჭოთ კალპე, ჰერკულესიშ ართ-ართი ბიჯგი. ასე კოლოქვიალურო გიბრალტარშა უჯოხონა "გიბ" (ქუა).

გიბრალტარიშ ზოხორინალა ართ-ართი თარი ოკითხირი რე ინგლის-ესპანურ ურთიართობეფს. ესპანეთი [[1713]] წანას გიშართილი ტერიტორიაშ დორთინაფას თხულენს, მორო გინოჩამაშ ირი ცადებას კინ მუ გიბრალტარალეფი დახე ართხონარო აწორინათ აუხვადჷნა.