ტურა: გინორთი გინოჯინეფს შქას

'''ტურა''' (Canis aureus) — [[მახვამილარეფიმახვამილაფარეფი|მახვამილაფარი]] [[ძუძუშმაწუალეფი|ძუძუმშმაწუალი]] [[ჩხოლარეფი|ჩხოლარი]] [[ჯოღორიშობურეფი|ჯოღორიშობურეფიშ]] ფანიაშე. ხე [[აფრიკა]]ს დო [[აზია]]ს. თიში ტანიშ სიგჷრძა რე 71-82 [[სანტიმეტრი|სმ]], წონა — 7-13 [[კილოგრამი|კგ]]. [[ზოთონჯი|ზოთონჯის]] ჭაშფერი მიკმიადვალუ, [[ზარხული|ზარხულც]] წინდაშფერ-ყვინთელიე დო მოჭითე-მოუჩე ფერი გინმალე, კუდელი მოჭითე-მონჭირელი ფერიშიე, ბოლოს იუჩარებუ. გოფაჩილიე ობჟათე-ბჟაეიოლ [[ევროპა]]ს, [[ოორუე აფრიკა|ოორუე აფრიკას]], [[ობჟათე აზია|ობჟათე აზიას]] დო კოკი [[შრი-ლანკა]]ს. [[საქორთუო]]ს შეთმეფხვადჷნა ირდიხას [[ზუღშ დონე|ზუღაშ დონეშე]] 1000 მ სიმაღალეშა. ხე ჭალეშ დო გვალაშ ახლო ტყალეფს, ქვერჩხონეფს დო წყარონტირუეფიშ ახლოს. ჭკომუნს ჩხოლარულ დო ჩანარულ ოჭკომალს, უმენტაშო [[ჭუკიშობურეფი|ჭუკიშობური მაღირღონალეფით]], [[კურდღელიშობურეფი|კურდღელეფით]], [[ფურინჯეფი]]თ, [[ხოხუეფი]]თ, [[ამფიბიეფი]]თ, [[ჩხომეფი]]თ, [[ჭანდეფი]]თ დო შხვა. ჭკომუნს ნძორს, მუკნაღელს დო შხვა. მაკეობა 63 დღა დო სერს იგინძორებუ. ხანს 4-6 (კანკალეშა 8-შახ) დაღარ დო თოლწკურილ ლაკვის, ნამუთ სქესობურო ირგუნა თელარაშ მა-2 წანას. ტურა აქტიურიე უმენტაშო სერით. ტურაშ ტყები დაბალი ხარისხიშიე დო თიში ორეწუე შანობა ჭიჭე რე. ართგვარ ზარალს ორინუანს ომოჯინე მეურნეობას დო [[მეფურინჯეობა]]ს, კანკალეშა [[ცოფი]]შ დო [[უჩა ჭირი]]შ გამომწვევეფიშ გინმაღალარიე.