მელა: გინორთი გინოჯინეფს შქას

'''მელა''' ({{lang-la|Vulpes}}) — [[მახვამილაფარეფი|მახვამილაფარლი]] [[ძუძუშმაწუალეფი]]შ გვარიშ [[ჩხოლარი]] [[ჯოღორიშობურეფი]]შ ფანიაშე. გოფაჩილი რე ირდიხას ანტარქტიდაშ მოხ. ავსტრალიაშა მიშაჸონაფილი რე. გვარს 6 გვარობა რე. [[რჩქვანელობური მელა]] (Vulpes vulpes) რსხულოტანო არძაშე დიდი რე. [[საქორთუო]]ს მუთმოფხვადჷნა რჩქვანელობური მელაშ 3 გვარობა. ობჟათე რასეფი უმოსი ღილე ფერიშ რე, მუთმოფხვადჷნა ედომუშამო ჩე (ალბინოსეფი) ვარდა უჩა ინდივიდეფი (მელანისტეფი). გიშაკერძაფილო მიარემუდანობათ ხე ველეფს დო ტიოზეფს. თაშნეშე ხე ტყას დო შხვა აბანეფს. მითორე ომანეს, ნამუსჷთ მუ თხორუნს, კანკალეშა [[მუნჩქვი]]შ ვარდა შხვა ჩხოლარიშ ომანეომანეს კებულენს. გჷმირინუანს ორთაშობურ ბინას — [[ფოქვა|ფოქვეფს]], კირდეშ ფარაქას, ეკორთელი ჯალეფიშ ქოქეფს დო შხვა აბანეფს. აქტიური რე დღაშით დო სერით. თოლს ელაზჷმაფათ ორკუორკჷ, რჩქილა დო შურაფა — ჯგირი. გიშეგორუაფუ სირტხილათსირთხილათ დო მოხუჯურობათ. ჭკომუნს მუჭოთ ჩხოლარულ, თეშ ჩანარულ ოჩამუსოჭკომალს, თარო ჭუკიშნერიჭუკიშნერ მაღირღინალეფითმაღირღინალეფს. წანმოწანაშე ართშა იმიარებუ. ხანს 3-12 ლაკვის, ნამუეფსჷთ 1,5 თუთას ბჟას არზენს. სქესობუროი მოწიფური რე 10-11 თუთაშ ხანს. ტყვეობას 15-20 წანას თელარენს, ორთას — მუსხირენ წანას. მელა რეწუაშ შანულამი ობიექტი რე (გიმირინუანა ბოწოწის). სარგებელი მოუღუ მანებელი [[მაღირღონალეფი]]შ მოჯილიკუათ.