დიდგორიშ ლჷმა: გინორთი გინოჯინეფს შქას

[[File:Didgori Memorial.jpg|250px|thumb|მონუმენტი დიდგორიშ ვეს]]

'''დიდგორიშ ლიმა''' (1121 წანაშ 12 მარაშინათუთა)ქორთუ̂ გიმახვენჯეფიშ უდიდაშ გომორძგუა რე. ''გასაკვირ მორიება'', ათაშ უძახჷ თე ლიმას ისტორიკოსი. თე ლიმა დიდგორიშ ტერიტორიას რდჷ ([[ქართი|ქართიშ]] ხოლოს) დო მუსულმანეფიშ აკოშაყარელი ჯარიშ ედომშამო მოსირუათ ითუ.

== სამანჯელი ==

მავითაართა-მავითოჟირა უკუნემს [[ქორთუეფი|ქორთუეფიშ]] მაფაშ [[დავით აღმაშენებელი|დავით აღმაშენებელიშ]] გებენი პოლიტიკაქ ჭიე-ჭიეთ გაგშეჸონჷ ქიანა გლახა დგომარებაშე. 1099 წანას დავით მაანთხაქ ხარკიშ მეჩამა მეუჭყვიდუ̂ სულთანს დო უკული ქორთული დიხეფიშ აკოძინას დო დორთინას მიკადირთჷ. გეჭოფჷ [[ზედაზენი]], ქიმირცხუ [[კახეთი|კახეთი]]-[[ჰერეთი|ჰერეთი]], [[სამშვილდე|სამშვილდე]], [[გიში|გიში]], [[რუსთავი|რუსთავი]], [[ლორე|ლორე]]. აგრესორეფიშ ხეს [[ქართი|ქართი]] დო [[დმანისიშ რაიონი|დმანისი]] კინ სქიდუდჷ. ოორუეს, [[საქორთუო|საქორთუოშ]], ათე ახალი გიმახვენჯური დო პოლიტიკური ძალაშ გორჩქინა, მუჟამს ბჟადაალს თურქეფი ახალგორჩქინელი ჯვაროსნული სახენწჷფოეფს ოლიმუდეს, დიდო ოშკურანჯი რდჷ თინეფშო. [[თურქ-სელჩუკეფი|სელჩუკი]] დო [[არაბეფი|არაბული]] სახენწჷფოეფქ ართიანწკჷმა რსხუალა დოდვეს, მაართათ საქორთუოშა გეუშკუმალუდესკონ. მუჭოთ რჩქჷ სულთან მაჰმუდი მაჟირას დო მუშ მორსხუეფს ოკოდეს კაპინერო მუსპუდესკო დავით მაანთახა, უკული ოორუეშე თხილერეფი, აკოძინელი ნძალეფით ჯვაროსანეფიშ წინაანდეგ მიდეშეს.

== მოღალუეფი ==

დიდგორიშ ლიმას უდიდაშ პოლიტიკური დო გიმახვენჯური მნიშვნელუა უღუდჷ: მუსულმანეფიშ დიდი კოალიციაქ აკიფაჩჷ, მუშ ჯარქ მისპჷ. საქორთუოქ თეშ კილარჩქინდჷ, მუჭო რეგიონიშ უმანგარაშ სახენწიფოქ. თე გომორძგუაქ დაჭყაფუ ქიმეჩჷ ქიანაშ ოეკონიე გადუდმაფებას (1122 წანას ქართიქ დო 1123 წანას დმანისიქ საქორთუოშ ტერიტორიაშა გემშართეს) დო საქორთუოშ ისტორიას ორქოშ ხანაქ ქიდიჭყჷ. ათეშ უკული საქორთუო ხოლო ოშ წანაშ მანგის ნამთინ ლიმას ვაწაგენს.

[[en:Battle of Didgori]]

[[ar:معركة ديدجوري]]